يدم يندۋستريالىق دامۋ كوميتەتى توراعاسىنىڭ ورىنباسارى تۇرار جولماعامبەتوۆتىڭ ايتۋىنشا, حالىقتى كومىرمەن قامتاماسىز ەتۋ جۇمىسى مينيسترلىكتىڭ باقىلاۋىندا, دەپ حابارلايدى Egemen.kz.
بيىل جىلىتۋ ماۋسىمىنا دايىندىق ناۋرىز ايىندا باستالعان. قازىر بۇل تاراپتا كۇن سايىن تالداۋ جاسالىپ وتىر.
ماسەلەن, كەيىنگى 4 ايدا ەلورداعا 75 مىڭ توننا كومىر جەتكىزىلگەن. بۇل كورسەتكىش اكىمدىك مالىمدەگەن قاجەتتىلىكتەن ەكى ەسە جوعارى (37 مىڭ توننا). ال, قىركۇيەك ايىنا كوممۋنالدىق-تۇرمىستىق سەكتور مەن تۇرعىندار ءۇشىن كومىر ونىمىنە قاجەتتىلىك جوسپارى 67 مىڭ توننانى قۇرايدى. بۇگىندە بۇل كولەمنىڭ جارتىسى باس قالاعا جەتكىزىلگەن.
كوكتال اۋدانىندا ورنالاسقان «بەك-ايدا» جك كومىر قويماسىنىڭ سىيىمدىلىعى 12 ۆاگوندى قۇرايدى.
«بىلتىر كۇن سايىن 150-200 كومىر تيەلگەن كولىك جونەلتىلدى. كومىر بىردەن ۆاگوننان ساتىلدى. سايكەسىنشە, ۇزىن-سونار كەزەك بولدى. قازىر مۇنداي دۇربەلەڭ جوق. ازاماتتار جاز مەزگىلىنەن باستاپ كومىر ساتىپ الۋدا. سونىمەن قاتار گازداندىرۋ جۇمىستارى دا بەلسەندى جۇرگىزىلۋدە. بۇگىندە حالىقتىڭ 50-60 پايىزى كومىر ساتىپ العان», دەيدى كومىر قويماسىنىڭ مەڭگەرۋشىسى دۋلات قۇسايىنوۆ.
ايتا كەتەيىك, تەمىر جول تۇيىقتارىندا مايكوبە كومىرىنىڭ ءبىر تونناسى 12 500 تەڭگەدەن, شۇباركول كومىرى – 13 800 تەڭگە جانە قاراجىرا كومىرى 14 500 تەڭگەدەن ساتىلىپ جاتىر.