الەمدىك جانە ءداستۇرلى دىندەر كوشباسشىلارىنىڭ VII سەزى اياسىندا مەملەكەت باسشىسى قاسىم-جومارت توقاەۆ رەسەي مۇسىلماندارى ءدىني باسقارماسىنىڭ توراعاسى راۆيل گاينۋتدينمەن جانە تاتارستان مۇسىلماندارى ءدىني باسقارماسىنىڭ توراعاسى كاميل ساميگۋللينمەن كەزدەستى, دەپ حابارلايدى اقورداعا سىلتەمە جاساپ.
قاسىم-جومارت توقاەۆ سەزدىڭ ماقساتتارى مەن مىندەتتەرىن ىلگەرىلەتۋگە بەلسەنە اتسالىسقانى ءۇشىن ولارعا ريزاشىلىعىن ءبىلدىردى.
كەزدەسۋ بارىسىندا قاسىم-جومارت توقاەۆ بيىل اقپان ايىندا ءوزىنىڭ تاتارستانعا ساپارىن ەسكە الىپ, ولاردى ەدىل بۇلعارياسىنىڭ يسلامدى قابىلداعانىنا 1100 جىل تولۋىمەن قۇتتىقتادى. ونىڭ ايتۋىنشا, بۇل تاريحي وقيعانىڭ تاتارستان مۇسىلماندارى مەن رەسەيدىڭ بارشا كوپكونفەسسيالى حالقى ءۇشىن ماڭىزى وراسان زور.
راۆيل گاينۋتدينوۆ پەن كاميل ساميگۋللين كەزدەسۋ وتكىزگەنى ءۇشىن قاسىم-جومارت توقاەۆقا العىس ايتىپ, VII سەزدىڭ ۇيىمداستىرىلۋ دەڭگەيىن جوعارى باعالادى.