2014 جىلعى 31 ناۋرىز, استانا, ۇكىمەت ءۇيى
«ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك ستيپەنديالاردى تاعايىنداۋ, تولەۋ قاعيدالارىن جانە ولاردىڭ مولشەرلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 7 اقپانداعى №116 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك ستيپەنديالاردى تاعايىنداۋ, تولەۋ قاعيدالارىن جانە ولاردىڭ مولشەرلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 7 اقپانداعى №116 قاۋلىسىنا (قازاقستان رەسپۋبليكاسىنىڭ ءپۇاج-ى, 2008 ج., №7, 67-قۇجات) مىناداي وزگەرىستەر ەنگىزىلسىن:|
1) كورسەتىلگەن قاۋلىمەن بەكىتىلگەن ءبىلىم بەرۋ ۇيىمدارىندا ءبىلىم الۋشىلارعا مەملەكەتتىك ستيپەنديالاردى تاعايىنداۋ, تولەۋ قاعيدالارىندا جانە ولاردىڭ مولشەرلەرىندە:
5-تارماق مىناداي رەداكتسيادا جازىلسىن:
«5. مەملەكەتتىك ءبىلىم بەرۋ تاپسىرىسى نەگىزىندە ءبىرىنشى كۋرسقا قابىلدانعان ستۋدەنتتەرگە, ماگيسترانتتارعا ء(بىرىنشى وقۋ جىلى) مەملەكەتتىك ستيپەنديا ءبىرىنشى سەمەستردە تاعايىندالادى جانە ءبىرىنشى سەمەستر بويى اي سايىن تولەنەدى. كەلەسى سەمەسترلەردە ستۋدەنتتەرگە, ماگيسترانتتارعا مەملەكەتتىك ستيپەنديا وتكەن سەمەستردىڭ ەمتيحان سەسسياسىنىڭ نەمەسە ءبىلىم الۋشىلاردى ارالىق اتتەستاتتاۋدىڭ قورىتىندىسى بويىنشا تاعايىندالادى جانە تولەنەدى.»;
13-تارماقتىڭ ەكىنشى بولىگى مىناداي رەداكتسيادا جازىلسىن:
«اكادەميالىق دەمالىس كەزەڭىندە جۇكتىلىگىنە جانە بوسانۋىنا بايلانىستى ۋاقىتشا ەڭبەككە جارامسىزدىعى تۋرالى انىقتاما ۇسىنعان جاعدايدا, اكادەميالىق دەمالىس ءۇزىلىپ, جۇكتىلىگى جانە بوسانۋىنا بايلانىستى دەمالىس رەسىمدەلەدى.»;
17-تارماق مىناداي رەداكتسيادا جازىلسىن:
«17. مەملەكەتتىك ءبىلىم بەرۋ تاپسىرىسى بويىنشا ءبىلىم الۋشىلارعا اي سايىنعى مەملەكەتتىك ستيپەنديانىڭ مولشەرى:
1) جوعارى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وقيتىن ستۋدەنتتەرگە – 16759 (ون التى مىڭ جەتى ءجۇز ەلۋ توعىز) تەڭگە;
2) ينتەرندەرگە – 30356 (وتىز مىڭ ءۇش ءجۇز ەلۋ التى) تەڭگە;
3) ماگيسترانتتارعا – 42824 (قىرىق ەكى مىڭ سەگىز ءجۇز جيىرما ءتورت)
تەڭگە;
4) «نازارباەۆ ۋنيۆەرسيتەتى» دەربەس ءبىلىم بەرۋ ۇيىمىندا وقيتىن ماگيسترانتتارعا – 100 000 ء(جۇز مىڭ) تەڭگە;
5) دوكتورانتتارعا – 65599 (الپىس بەس مىڭ بەس ءجۇز توقسان توعىز) تەڭگە;
6) رەزيدەنتۋرا تىڭداۋشىلارىنا جانە دەنساۋلىق ساقتاۋ ماگيسترانتتارىنا – 49249 (قىرىق توعىز مىڭ ەكى ءجۇز قىرىق توعىز) تەڭگە مولشەرىندە بەلگىلەنەدى.»;
20-تارماقتىڭ ءبىرىنشى بولىگى مىناداي رەداكتسيادا جازىلسىن:
«20. كوزى ناشار كورەتىن مۇگەدەكتەر مەن قۇلاعى كەمىس مۇگەدەكتەردىڭ, جەتىم بالالار مەن اتا-انالارىنىڭ قامقورلىعىنسىز قالعان جانە ازاماتتاردىڭ قورعانشىلىعىنداعى (قامقورلىعىنداعى) بالالاردىڭ, سونداي-اق ەمتيحان سەسسياسىنىڭ ناتيجەلەرى بويىنشا تەك «وتە جاقسى» دەگەن باعالارى بار ستۋدەنتتەر مەن ماگيسترانتتاردىڭ («نازارباەۆ ۋنيۆەرسيتەتى» دەربەس ءبىلىم بەرۋ ۇيىمىندا وقيتىن ماگيسترانتتاردان باسقا) ۇلعايتىلعان مەملەكەتتىك ستيپەنديا الۋعا قۇقىعى بار.»;
2) كورسەتىلگەن قاعيدالاردىڭ قوسىمشاسى وسى قاۋلىنىڭ قوسىمشاسىنا سايكەس جاڭا رەداكتسيادا جازىلسىن.
2. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەتىن 1-تارماقتىڭ 1) تارماقشاسىنىڭ ون ءبىرىنشى ابزاتسىن قوسپاعاندا, 2014 جىلعى 1 ساۋىردەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س. احمەتوۆ.
قازاقستان رەسپۋبليكاسى ۇكىمەتىنىڭ 2014 جىلعى 31 ناۋرىزداعى № 276 قاۋلىسىنا قوسىمشا
ءبىلىم بەرۋ ۇيىمدارىندا ءبىلىم الۋشىلارعامەملەكەتتىك ستيپەنديالاردى تاعايىنداۋ,
تولەۋ قاعيدالارىنا قوسىمشا
مەملەكەتتىك ستيپەنديالاردى ۇلعايتۋ مولشەرى
ر/س
№
ستيپەندياتتار تىزبەسى پايىزعا شاققانداعى ۇلعايتۋ مولشەرى
1 تەحنيكالىق جانە كاسىپتىك (ۋچيليششەلەر, كوللەدجدەر), ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن كوزى ناشار كورەتىن مۇگەدەكتەر مەن قۇلاعى كەمىس مۇگەدەكتەرگە; 75
2 « ۇلى وتان سوعىسىنىڭ قاتىسۋشىلارى مەن مۇگەدەكتەرىنە جانە سولارعا تەڭەستىرىلگەن ادامدارعا بەرىلەتىن جەڭىلدىكتەر مەن ولاردى الەۋمەتتىك قورعاۋ تۋرالى» قازاقستان رەسپۋبليكاسىنىڭ زاڭىنا سايكەس جەڭىلدىكتەر مەن كەپىلدىكتەر بويىنشا سوعىس مۇگەدەكتەرىنە تەڭەستىرىلگەن تەحنيكالىق جانە كاسىپتىك (ۋچيليششەلەر, كوللەدجدەر), ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە, ماگيسترانتتارعا جانە ينتەرندەرگە; 50
3 جەتىم بالالار مەن اتا-انالارىنىڭ قامقورلىعىنسىز قالعان جانە ازاماتتاردىڭ قورعانشىلىعىنداعى (قامقورلىعىنداعى) بالالار قاتارىنداعى تەحنيكالىق جانە كاسىپتىك (ۋچيليششەلەر, كوللەدجدەر), ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە, ماگيسترانتتارعا جانە ينتەرندەرگە; 30
4 تەحنيكالىق جانە كاسىپتىك (ۋچيليششەلەر, كوللەدجدەر), ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن, ەمتيحان سەسسياسىنىڭ ناتيجەلەرى بويىنشا تەك «وتە جاقسى» دەگەن باعالارى بار ستۋدەنتتەرگە, ماگيسترانتتارعا (مەملەكەتتىك اتاۋلى ستيپەنديا مەن قازاقستان رەسپۋبليكاسى پرەزيدەنتىنىڭ ستيپەندياسىن الاتىن ستۋدەنتتەردەن باسقا) 15