فۋتبولدان قازاقستان چەمپيوناتىنىڭ اياقتالۋىنا جەتى تۋر قالعاندا «استانا» كلۋبىنىڭ باس باپكەرى اۋىستى.
وسىعان دەيىن بۇل قىزمەتتى 49 جاستاعى سەربيالىق مامان سردجان بلاگوەۆيچ اتقارعان ەدى. ەندى ونىڭ ورنىنا گريگوري بابايان كەلدى. ول – قازاقستاننىڭ تۋماسى. جاسى 42-دە. كەزىندە بابايان ەلىمىزدىڭ جاسوسپىرىمدەر قۇراماسىندا وينادى. كەيىننەن گەرمانيادا شەبەرلىگىن شىڭدادى. 2003-2005 جىلدارى «قايرات» پەن «الماتى» كلۋبتارىنىڭ جەيدەسىن كيدى. كوپ ۇزاماي جاتتىقتىرۋشىلىق كاسىپتى تاڭداپ, «استانا» مەن قوستانايدىڭ «توبىلىندا» باس باپكەردىڭ كومەكشىسى بولدى. سوڭعى ۋاقىتتا ماسكەۋدىڭ تسسكا-سىندا ءبىراز ەڭبەك ەتتى.