«قازگيدرومەت» رمك 13 قىركۇيەككە ارنالعان اۋا رايى بولجامىن جاريالادى, دەپ حابارلايدى Egemen.kz.
«قازاقستاننىڭ سولتۇستىگىندە, سولتۇستىك-باتىسىندا, شىعىسىندا جانە وڭتۇستىك-شىعىسىندا تسيكلوندىق بەلسەندىلىكتىڭ جانە اتموسفەرالىق فرونتتاردىڭ ۇستەمدىگى ساقتالادى, جاڭبىر جاۋادى, سولتۇستىك-باتىستا, باتىستا نايزاعاي وينايدى, تۇندە سولتۇستىكتە, تاۋلى ايماقتاردا كۇن كۇركىرەيدى. شىعىستا, وڭتۇستىك-شىعىستا جاۋىن-شاشىن بولادى», دەلىنگەن حابارلامادا.
سونداي-اق ەلىمىزدە جەل سەكۋندىنا 15-23 مەترگە دەيىن كۇشەيەدى, كۇندىز باتىستا شاڭدى داۋىل سوعادى دەپ كۇتىلۋدە.
قىزىلوردا, تۇركىستان وبلىستارىنىڭ باسىم بولىگىندە, قاراعاندى وبلىسىنىڭ ورتالىعىندا, اتىراۋ وبلىسىنىڭ باتىسىندا توتەنشە ءورت قاۋپى ساقتالادى, قوستاناي وبلىسىنىڭ وڭتۇستىگىندە جوعارى ءورت قاۋپى جالعاسادى.
اقمولا وبلىسىنىڭ سولتۇستىك-شىعىسىندا تۇندە 3 گرادۋس ۇسىك جۇرەدى.
تۇندە قوستاناي, اقتوبە وبلىستارىنىڭ سولتۇستىگىندە, سولتۇستىك قازاقستان وبلىسىنىڭ سولتۇستىك-شىعىسىندا, پاۆلودار وبلىسىنىڭ وڭتۇستىك-باتىسىندا, شىعىسىندا, سولتۇستىگىندە, قاراعاندى وبلىسىنىڭ ورتالىعىندا, شىعىستىڭ شىعىسىندا 1-3 گرادۋس ۇسىك جۇرەدى.