ايەلدەردىڭ زەينەتكەرلىك جاسىنا قاتىستى ماسەلەلەر ءتۇسىندىرىلدى

كەزدەسۋ بارىسىندا ازاماتتاردى زەينەتاقىنىڭ بارابار مول­شەرىمەن قامتاماسىز ەتۋ ءۇشىن قابىلداناتىن شارالار ۇسى­نىلدى. قوزعالىس وكىلدەرىنە مەم­لەكەت باسشىسىنىڭ زەينەت­اقى جۇيەسىنىڭ تيىمدىلىگىن ارت­تىرۋ تۋرالى جولداۋدا ايتىل­عان تاپسىرمالارى بويىنشا تۇسى­نىكتەمەلەر بەرىلدى. اتاپ ايت­قاندا, جوسپارلانعان ايەل­دەر­دىڭ زەينەتكەرلىك جاسىن 61 جاس دەڭگەيىندە ۇزارتۋ تۋرالى شە­شىمدى 2028 جىلعا دەيىن توقتاتا تۇرۋ جونىندە, كەيىنگى 3 جىل ىشىن­دە جيىنتىق زەينەتاقىنى ورتا ەسەپ­پەن 27%-عا ارتتىرۋ تۋرالى شە­شىمدەر ءتۇسىندىرىلدى. بۇل ءوسىم 2 ملن-نان استام زەينەتكەردى, سونداي-اق 1998 جىلعا دەيىن ەڭبەك ءوتىلى بار بولاشاق زەينەتكەرلەردى قامتيدى.

كەزدەسۋدە سونداي-اق زەينەت­كەر­لىككە ەرتە شىعۋدىڭ قولدا­نىس­تاعى زاڭنامالىق نەگىزدەرى بەل­گىلەندى, ونىڭ ىشىندە زەينەت­اقى جيناقتارى جەتكىلىكتى بولعان كەزدە زەينەتاقى اننۋيتەتى شار­تىن جاساسۋ ءتاسىلى دە ايتىل­دى. بۇل رەتتە كەزدەسۋگە قاتى­سۋ­شى­لارعا ازاماتتار ءۇشىن ونىڭ قول­جە­تىمدىلىگىن قامتاماسىز ەتۋ ماق­ساتىندا زەينەتاقى اننۋيتەتىنىڭ قۇنىن ايقىنداۋ كەزىندە پايدالا­نىلاتىن پارامەترلەردى قايتا قاراۋ بويىنشا ۇلتتىق بانكپەن بىرلەسكەن جۇمىس باستالعانى تۋرا­لى حاباردار ەتىلدى. سونداي-اق زەي­نەتكەرلىك جاس الدىنداعى ادام­دارعا زەينەتكەرلىككە مەرزى­مىنەن بۇرىن شىعۋدى ۇسىنۋ بو­يىن­شا قتج تاجىريبەسىن تاراتۋ مۇمكىندىگى ماسەلەسى قارالدى. بۇل رەتتە جۇمىس بەرۋشى ۇجىمدىق شارتقا سايكەس قىزمەتكەر جال­پىعا بىردەي بەلگىلەنگەن زەينەت­كەرلىك جاسقا تولعانعا دەيىن وعان تولەمدەردى جۇزەگە اسىرۋعا مىندەتتەنەدى. زەينەتكەرلىك جاس الدىنداعى جۇمىس ىستەمەيتىن ايەلدەردى جۇمىسپەن قامتۋدىڭ بەلسەندى شارالارىنا تارتۋ ماقساتىندا مينيسترلىك «كۇمىس جاس» جوباسىن ىسكە اسىرۋدا. جوبا شەڭبەرىندە ايەلدەردى جەكە كومەكشىلەر, كۇتىم جونىندەگى الەۋمەتتىك قىزمەتكەرلەر, الەۋمەتتىك جۇمىس جونىندەگى كونسۋلتانتتار, جاس قىزمەتكەرلەر ءۇشىن تالىمگەرلەر جانە ت.ب. قىزمەتشى رەتىندە جۇمىسقا ورنالاستىرۋ جۇزەگە اسىرىلادى, كەلەسى جىلدان باستاپ وعان 50 جاستان اسقان ادامدار (قازىر تەك 58 جاستان اسقان ادامدار) قاتىسا الادى. بۇل جوباعا قاتىسۋ كەزەڭى ەڭبەك وتىلىنە ەسەپتەلەتىن بولادى, ال 30 اەك (2023 جىلى 100 مىڭ تەڭگە) مولشەرىندەگى تولەم سوماسى زەينەتاقىنى ەسەپتەۋ كەزىندە تابىس رەتىندە قارالادى دەپ كوزدەلۋدە. وسىلايشا, اتالعان ايەلدەر ساناتى زەينەتكە شىققان كەزدە قازىرگى كەزدەگىدەي 20 مىڭ تەڭگە ەمەس, جوباعا قاتىسۋ وتىلىنە بايلانىستى 70 مىڭ تەڭگەگە دەيىن الاتىن بولادى.

1998 جىلعا دەيىن ەڭبەك ءوتىلى جوق جانە تەك جيناقتاۋشى زەينەتاقى جۇيەسىنەن زەينەتاقى الاتىن ادامدار ءۇشىن جاڭا شارت – جيناقتاۋشى زەينەتاقى ەنگى­زىلەدى. بۇل جۇيەدەن تولەم­دەر جۇمىس بەرۋشىلەر ءوز قىزمەت­كەرلەرىنىڭ پايداسىنا جۇزەگە اسىراتىن قوسىمشا جارنالار ەسەبىنەن تولەنەدى.

وسىلايشا, قابىلدانعان شا­را­لار زەينەتاقىنىڭ بارابار مولشەرىن تەك قازىرگى عانا ەمەس, بولاشاق زەينەتكەرلەردى دە قام­تاماسىز ەتۋگە مۇمكىندىك بەرەدى.