ەلىمىزدىڭ بىرقاتار وبلىسىندا ۇسىك جۇرەدى

«ەلىمىزدىڭ سولتۇستىگىندە, شىعىسىندا جانە وڭتۇستىك-شىعىسىندا عانا تسيكلوندىق بەلسەندىلىكتىڭ جانە اتموسفەرالىق فرونتتاردىڭ ۇستەمدىگى ساقتالادى, ولارمەن بىرگە جاڭبىر جاۋادى, شىعىستا, وڭتۇستىك-شىعىستا قاتتى جاڭبىر جاۋىپ, نايزاعاي وينايدى. تۇندە الماتى وبلىسىنىڭ تاۋلى ايماقتارىندا قاتتى جاۋىن-شاشىن (جاڭبىر, كوكتايعاققا اۋىسادى) كۇتىلەدى», دەلىنگەن «قازگيدرومەت» رمك حابارلاماسىندا.

رەسپۋبليكا بويىنشا جەل سەكۋندىنا 15-23 مەترگە دەيىن كۇشەيەدى, ەلىمىزدىڭ شىعىسىندا, وڭتۇستىك-شىعىسىندا ەكپىنى سەكۋندىنا 23-28 مەترگە دەيىن كۇشەيەدى, كۇندىز ماڭعىستاۋ وبلىسىندا شاڭدى داۋىل سوعادى. قازاقستان رەسپۋبليكاسىنىڭ سولتۇستىگىندە, سولتۇستىك-باتىسىندا تۇندە جانە تاڭەرتەڭ تۇمان تۇسەدى. كۇندىز جامبىل وبلىسىنىڭ تاۋلى ايماقتارىندا بۇرشاق جاۋى مۇمكىن.

قىزىلوردا, تۇركىستان, جەتىسۋ وبلىستارىنىڭ باسىم بولىگىندە, وڭتۇستىگىندە, شىعىس-سولتۇستىگىندە, اباي اۋدانىنىڭ ورتالىعىندا, شىعىس قازاقستان وبلىسىنىڭ سولتۇستىك-شىعىسىندا, اتىراۋ وبلىسىنىڭ باتىسىندا, سونداي-اق قوستاناي وبلىسىنىڭ وڭتۇستىگىندە توتەنشە ءورت قاۋپى ساقتالادى.

تۇندە اقمولا وبلىسىنىڭ سولتۇستىك-باتىسىندا, سولتۇستىك قازاقستان وبلىسىنىڭ سولتۇستىك-شىعىسىندا, قوستاناي, باتىس قازاقستان, اقتوبە وبلىستارىنىڭ سولتۇستىگىندە 1-3 گرادۋس ۇسىك تۇسەدى.