7 قىركۇيەكتە شەكاراشىلار تۇركىستان وبلىسى «سارىاعاش» تەمىر جول وتكىزۋ پۋنكتىندە قۇنى 1 ملن تەڭگەدەن اساتىن «ترامادال» مەديتسينالىق پرەپاراتىنىڭ 690 تابلەتكاسىن زاڭسىز الىپ ءوتۋ ارەكەتىنىڭ جولىن كەستى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
«اتالعان دارىلىك زاتتار وزبەكستان رەسپۋبليكاسىنا باعىت العان جۇك ۆاگوندارىندا وتكىزىلمەك بولعان.
شەكاراشىلاردىڭ قىراعىلىعى جانە ارنايى ۇيرەتىلگەن «كايلا» اتتى ءيتتىڭ كومەگىمەن كونتراباندالىق جۇك انىقتالدى», دەلىنگەن ءباسپاسوز حابارلاماسىندا.
قىلمىستىق ءىس قوزعالىپ, تەرگەۋ امالدارى جۇرگىزىلۋدە.