اتىراۋداعى ع.سلانوۆ اتىنداعى وبلىستىق عىلىمي-امبەباپ كىتاپحانادا سارايشىق تۋرالى جاڭا كىتاپتىڭ تانىستىرىلىمى ءوتتى. قازاقستان جازۋشىلار جانە جۋرناليستەر وداعىنىڭ مۇشەسى, «قازاقستان-Zaman» گازەتىنىڭ باس رەداكتورى ەرتاي ايعالي ۇلىنىڭ «سارايشىق حانشاسى جانە يۆان گروزنىي» اتتى كىتابى «تايماس» باسپا ۇيىنەن 1000 دانامەن جارىق كورگەن.
«سارايشىق حانشاسى جانە يۆان گروزنىي» اتتى قوس جەلىلى تاريحي روماندا تاريحىمىزدىڭ تەرەڭ قويناۋىندا قالعان سارايشىق قالاسىنىڭ سول كەزدەگى ء(ىح-حVI عاسىرلاردا) ءومىر تىنىسى مەن تىرشىلىگى, وركەندەۋ مەن گۇلدەنۋ ءداۋىرى جانە كۇيرەۋىن اڭىزدىق ميفولوگيالىق كەيىپكەر اققۋ حانشا جانە باسقا دا تاريحي تۇلعالار ارقىلى شىنايى سۋرەتتەدىم. 1581 جىلى الەمدەگى ەڭ سۇلۋ قالالاردىڭ ءبىرى, نوعاي ورداسى مەن قازاق حاندىعىنىڭ استاناسى بولعان سارايشىقتى ورىس پاتشاسى يۆان گروزنىي قيراتتىرادى. بەيبىت قالانىڭ تۇرعىندارىن, بايلىعىن تونايدى. قوسارلى جەلىدە اياگۇل باستاعان بالالار قالانىڭ تاريحىن زەرتتەيدى جانە ءولى قالانىڭ جايىق وزەنىنە جۇتىلىپ كەتپەۋى ءۇشىن كۇرەس جۇرگىزەدى. روماننىڭ تارتىستى دا, شىتىرمان وقيعالارى جاس وقىرمانداردى عانا قىزىقتىرمايدى, تاريحي-تانىمدىق تۇرعىدا ايتىلعان ماسەلەلەر اعا بۋىننىڭ دا نازارىن اۋدارارى ءسوزسىز», – دەدى كىتاپ اۆتورى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.