ۇرپاق ءوسىر. اعاش ەك. تۇقىم سەپ!

جىلداعى ءداستۇر بويىنشا «قازحروم» تۇك» اق-تىڭ فيليالى اقتوبە فەرروقورىتپا زاۋى­تىندا «مەن اعاش وتىر­عىزدىم» كورپوراتيۆتىك جوباسى اياسىندا ەكولوگيالىق اكتسيا وتكى­زىلدى. كاسىپورىننىڭ جۇمىس­شى­لارى ءوندىرىس ايماعىن كورىكتەندىرۋ, تابيعاتتى قورعاۋ باعدارلاماسىن جۇزەگە اسىرۋ بارىسىندا جاڭا فەرروقورىتپا زاۋىتىنىڭ اۋما­عىنا 200 ءتۇپ پيراميدالىق تەرەك وتىرعىزدى. جاس كوشەتتەردى وتىرعىزۋعا 40-تان استام زاۋىت­تىق­تار قاتىستى. ولار تامىر تار­تىپ, بوي كوتەرگەندە الەمدەگى بالاماسى جوق ين­دۋستريالىق-يننوۆاتسيالىق باع­دارلاما اياسىندا سالىنىپ جاتقان جاڭا بىرەگەي فەر­رو­قورىتپا زاۋىتىنىڭ ماڭىن كورىكتەندىرەتىن بولادى. ەكولوگيالىق شاراعا قاتىس­قانداردىڭ ءبىرى قولدارىنا كۇرەك­تەرىن ۇستاپ اعاش وتىرعىزسا, ەندى ءبىرى سۋ تاسىپ, قىز-كەلىنشەكتەر جاعى جاسىل جەلەك ەكپەلەرى جاي­قالىپ وسسە دەگەن ىرىممەن القىزىل لەنتا تاقتى. «مەن اعاش وتىرعىزدىم» اك­تسيا­سى بىزدە جىل سايىن ۇيىم­­داس­تىرىلادى. ءاردايىم تازالىقتى باستى نازاردا ۇستايتىن كاسىپ­ورىننىڭ ءار تسەحى, بولىمشەسى وزدەرىنە بەكىتىلگەن ايماقتارىن تازالاپ, قۋراپ قالعان اعاشتاردىڭ ورنىنا جاڭاسىن وتىرعىزىپ, اباتتاندىرۋ مەن كوگالداندىرۋعا ءبىر كىسىدەي اتسالىسادى. وسى اكتسيا شەڭبەرىندە 2008 جىلدان باستاپ زاۋىت ايماعى جىل سايىن جاڭا كوشەتتەرمەن تولىعىپ كەلەدى. گازدان تازارتۋ ۋچاسكەسىنىڭ, دايىن ونىمدەر تسەحىنىڭ, «باتىس-2» شاعىن اۋدانىندا ورنالاسقان زاۋىتتىقتاردىڭ ءۇيىنىڭ اۋلاسى, تۇرعىندار قالاشىعىنىڭ سكۆەرىنە, №1 بالقىتۋ تسەحىنىڭ ماڭىنا, دەنە شىنىقتىرۋ-ساۋىق­تىرۋ كەشەنىنىڭ, جاڭا تەننيس كور­تىنىڭ اينالاسىنا اعاش كوشەت­تەرىن وتىرعىزدىق. بۇل وتىر­­عىزىلعان اعاشتارىمىز بۇگىندە عيماراتتارعا كورىك بە­رىپ, جايقالىپ وسۋدە, دەيدى قور­شاعان ورتانى قورعاۋ باس­قار­ماسىنىڭ 2-ءشى دارەجەلى ينجەنەر-ەكولوگى گۇلجان تايكەنوۆا. تەحنيكالىق قاداعالاۋ ءبولىمىنىڭ قاداعالاۋشىسى ديليارا نۇر­عوجينا بيىلعى اكتسيانىڭ ورنى بولەك ەكەنىن, ويتكەنى جاڭا فەر­رو­قورىتپا زاۋىتىنىڭ ماڭى­نا العاش رەت اعاش كوشەتتەرى وتىر­­عىزىلعانىن, ءوزىنىڭ بۇعان ال­عاش­­قىلاردىڭ ءبىرى بولىپ اتسا­لىسقانىن جەتكىزدى. اعاش وتىرعىزۋ كاسىپورىنعا قاراستى دەنەشىنىقتىرۋ-ساۋ­ىقتىرۋ كەشەنىندە جالعاستى. كە­شەن قىزمەتكەرلەرى مۇندا 70 ءتۇپ اعاش وتىرعىزدى. وتىر­عىزىلعان كوشەتتەردى كۇتىپ-باپتاۋ دا زاۋىتتىقتاردىڭ ەنشىسىندە. ساتىبالدى ءساۋىرباي, «ەگەمەن قازاقستان». اقتوبە وبلىسى.