ANTIKOR گۇلميرا ساتىبالدىعا جانە ونىڭ باقىلاۋىنداعى «اريا-جاڭا استانا» جشس كومپانياسىنىڭ باسشىلىعىنا, مەملەكەتتىك ورگانداردىڭ لاۋازىمدى تۇلعالارىنا قاتىستى وبەكتىلەردى سالۋعا بولىنگەن بيۋدجەت قاراجاتىن جىمقىرۋ فاكتىلەرى بويىنشا تەرگەۋدى جۇمىستارىن جالعاستىرىپ جاتىر, دەپ حابارلايدى Egemen.kz.
بىرنەشە وبەكتىلەر بويىنشا ءىس جۇزىندە ورىندالماعان قۇرىلىس-مونتاجداۋ جۇمىستارىنا اقى تولەۋ ناتيجەسىندە مەملەكەتكە جالپى سوماسى 3,9 ميليارد تەڭگەگە اسا ءىرى مولشەردە زالال كەلتىرىلگەن.
«تەرگەۋ ساتىسىندا قابىلدانعان شارالارمەن مەملەكەتكە كەلتىرىلگەن زالال تولىق وتەلدى. گ.ساتىبالدى مەن ونىڭ سەنىمدى تۇلعالارىنا قاتىستى بىرقاتار كاسىپورىنداردىڭ قاتىسۋ ۇلەستەرى مەن اكتيۆتەرىن زاڭسىز يەلەنۋ, ادامدى ۇرلاۋ جانە باس بوستاندىعىنان زاڭسىز ايىرۋ فاكتىلەرى بويىنشا تەرگەۋ جۇرگىزىلۋدە», دەلىنگەن حابارلامادا.
ۆەدومستۆو جابىرلەنۋشىلەرگە كەلتىرىلگەن زالالدىڭ الدىن الا سوماسى 6,6 ميليارد تەڭگەدەناساتىنىن حابارلادى.
قازىرگى ۋاقىتتا كۇدىكتى ادامدار كۇزەتپەن ۇستالۋدا. تەرگەۋ شارالى جالعاسۋدا.