ءبىر كۇندىك دەمالىستان سوڭ «ۆۋەلتا» كوپكۇندىگى قايتا جالعاستى. 16-كەزەڭدەگى سايىس سانلۋكار-دە-باررامەدا مەن تومارەس اراسىنداعى جازىق دالادا ءوتتى.
189,4 شاقىرىمدىق باسەكەدە مادس پەدەرسەنگە تەڭ كەلەر ەشكىم تابىلمادى. اقش-تىڭ Trek-Segafredo كلۋبى ساپىنداعى دانيالىق ۆەلوشاباندوز سول قاشىقتىقتى 4 ساعات 45 مينۋت 29 سەكۋندتا ءجۇرىپ ءوتتى. ودان كەيىنگى ورىنداردى ءباا-ءنىڭ UAE Team Emirates كومانداسىنىڭ نامىسىن قورعايتىن گەرمانيالىق پاسكال اككەرمان مەن نەمىستەردىڭ BORA-hansgrohe ۇجىمىنىڭ ۇزدىگى, نيدەرلاندتىق دانني ۆان پوپپەل ولجالادى. «استانالىقتار» اراسىنان ەڭ ءتاۋىر كورسەتكىشكە سامۋەلە باتتيستەللا قول جەتكىزدى. يتاليالىق لەگيونەر مارە سىزىعىن التىنشى بولىپ قيىپ ءوتتى.
جالپى ەسەپتە جاعداي وزگەرگەن جوق. قازاقستاندىق كوماندانىڭ سەركەسى ميگەل انحەل لوپەس بۇرىنعىسىنشا التىنشى ساتىدا تۇر.