ازاماتتىق اۆياتسيا كوميتەتىنىڭ توراعاسى لاستاەۆ تالعات كاتاردىڭ اۆياتسيالىق بيلىگىنىڭ پرەزيدەنتى موحامەد فالەح ءال-حادجريمەن جانە كاتاردىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ابدۋلازيز سۇلتان ءال-رۋمەيحيمەن كەزدەستى, دەپ حابارلايدى Egemen.kz يندۋستريا جانە ينفراقۇرىلىمدىق دامۋ مينيسترلىگىنىڭ Telegram ارناسىنا سىلتەمە جاساپ.
كەزدەسۋ بارىسىندا تاراپتار ازاماتتىق اۆياتسيا سالاسىنداعى ەكىجاقتى ىنتىماقتاستىق ماسەلەلەرىن, ونىڭ ىشىندە قازاقستان مەن كاتار اراسىنداعى ۇشۋلار سانىن ودان ءارى ارتتىرۋ جانە ۇشۋ گەوگرافياسىن كەڭەيتۋ, اۆياتسيا ماماندارىن دايارلاۋ جانە ولاردىڭ بىلىكتىلىگىن ارتتىرۋ, قازاقستانعا كاتار ينۆەستيتسيالارىن تارتۋ ماسەلەلەرىن تالقىلادى.
سونىمەن, بۇگىندە كاتاردىڭ «Qatar Airways» اۋە كومپانياسى دوحا – الماتى باعىتى بويىنشا اپتاسىنا 4 رەيس جيىلىگىمەن تۇراقتى جولاۋشىلار رەيسىن ورىندايدى. كاتار تاراپىنىڭ حابارلاۋىنشا, Qatar Airways 2023 جىلى كوكتەمگى-جازعى ناۆيگاتسيادان باستاپ نۇر-سۇلتان مەن دوحا قالالارى اراسىنداعى رەيستەردى جۇزەگە اسىرۋدى جوسپارلاپ وتىر.
تاراپتار سونداي-اق قازاقستان رەسپۋبليكاسىنىڭ ازاماتتىق اۆياتسيا سالاسىنىڭ وكىلدەرىن دايارلاۋ جانە ولاردىڭ بىلىكتىلىگىن ارتتىرۋ ماسەلەلەرىن تالقىلادى. بۇل رەتتە تاراپتار اعىمداعى جىلدىڭ 27 قىركۇيەگى مەن 7 قازانى ارالىعىندا وتەتىن حالىقارالىق ازاماتتىق اۆياتسيا ۇيىمى (يكاو) اسسامبلەياسىنىڭ الداعى 41-سەسسياسىن تالقىلادى.