قوستانايداعى ءتىلسىز جاۋدان زارداپ شەككەندەرگە كومەك كورسەتۋ جانە قالپىنا كەلتىرۋ جۇمىستارىندا ۆولونتەرلەر دە بەلسەندىلىك تانىتۋدا. «ۇلتتىق ۆولونتەرلىك جەلى» بىرلەستىگى جانە Birgemiz ۆولونتەرلەر فرونت-ءوفيسىنىڭ مۇشەلەرى ادەتتەگىدەي ماڭىزدى جۇمىستاردىڭ باسى-قاسىندا ءجۇر.
«ۇلتتىق ۆولونتەرلىك جەلى» بىرلەستىگىنىڭ اتقارۋشى ديرەكتورى تاتيانا ميرونيۋكتىڭ ايتۋىنشا, ورتتەن زارداپ شەككەندەرگە كومەك كورسەتۋ ماقساتىندا ءار وڭىردە ارنايى شتاب قۇرىلعان. قوستاناي قالاسىنىڭ وزىندە ۆولونتەرلەردىڭ كومەگىمەن 18 گۋمانيتارلىق كومەكتى قابىلداۋ بەكەتى ىسكە قوسىلعان. ول جەردەن ورتتەن زارداپ شەككەن ەلدى مەكەندەرگە قاجەتتى زاتتار جونەلتىلىپ تۇرماق.
بەلگىلى بولعانداي, قازىرگى ۋاقىتتا ازىق-ت ۇلىك پەن كيىم جەتكىلىكتى مولشەردە جينالعان. اۋليەكول اۋدانىنداعى گۋمانيتارلىق كومەكتى قابىلداۋ پۋنكتتەرى تولىپ, جان-جاقتان كەلگەن جۇك كولىكتەرى قوستاناي قالاسىنداعى ساقتاۋ ورىندارىنا جونەلتىلۋدە.
«قوستانايلىقتار بارلىق ۆولونتەرلەرگە ۇلكەن العىستارىن بىلدىرۋدە. جاستار قايسارلىعىمەن جانە مەيىرىمدىلىگىمەن تابيعي اپاتتان زارداپ شەككەن ادامدارعا بارىنشا قولۇشىن سوزىپ, مەملەكەتتىك ورگان وكىلدەرىنە جاردەمدەسۋدە. ۆولونتەرلەر ءاردايىم قيىندىققا تاپ بولعان ازاماتتارعا كومەكتەسۋگە دايىن. قيىندىقتى بىرگە جەڭەمىز!», دەدى تاتيانا ميرونيۋك.