2014 جىلدىڭ 21 مامىرى كۇنى تاۋەلسىزدىك سارايىندا VII استانا ەكونوميكالىق فورۋمى شەڭبەرىندە «استانا Invest 2014» V حالىقارالىق ينۆەستيتسيالىق فورۋمى وتەدى.
«استانا Invest 2014» فورۋمى استانا قالاسىنا ينۆەستيتسيالار تارتۋعا, حالىقارالىق ىنتىماقتاستىقتى جاقسارتۋ جانە استانا قالاسى برەندىن ىلگەرىلەتۋگە باعىتتالعان. فورۋمنىڭ باستى ماقساتى – استانا قالاسىنىڭ ينۆەستيتسيالىق مۇمكىندىكتەرىن تانىستىرۋ جانە الداعى ۋاقىتتا قالا ەكونوميكاسىنا وتاندىق جانە شەتەلدىك ينۆەستيتسيالار اعىندارىن ىنتالاندىرۋ بولىپ تابىلادى. باس قالانىڭ بولاشاعىنا ارنالعان بۇل حالىقارالىق باسقوسۋعا مەملەكەتتىك ورگاندار, ۇلتتىق كومپانيالار, دامۋ ينستيتۋتتارى, شەتەلدىك كومپانيالار, قارجى ينستيتۋتتارى, استانا قالاسىنىڭ ءىرى جانە ورتا بيزنەس وكىلدەرىنەن 400-دەي ادامنىڭ قاتىسۋى جوسپارلانىپ وتىر.
فورۋمدا قازاقستاننىڭ ەلورداسىن ينۆەستيتسيالاۋعا استانانىڭ الەمدىك «اقىلدى قالالار» رەيتينگىنە ەنۋىنە جانە قالانىڭ ينفراقۇرىلىمىن ەكسپو-2017 حالىقارالىق مامانداندىرىلعان كورمەنى وتكىزۋگە دايىنداۋعا بايلانىستى ماسەلەلەر تالقىلانادى. سونىمەن بىرگە, فورۋم قوناقتارىنا بىرىڭعاي يندۋستريالىق-يننوۆاتسيالىق كورمەسى شەڭبەرىندە جانە استانا قالاسىنىڭ يندۋستريالىق پاركىنە بارۋ كەزىندە ەلوردانىڭ بولاشاق ينۆەستيتسيالىق جوبالارىمەن تانىسۋلارىنا مۇمكىندىك جاسالادى. وسى جۇزدەسۋلەردە الەۋەتتى ينۆەستورلارعا ءوڭىردىڭ بيزنەستى ءجۇرگىزۋدەگى ەكونوميكالىق, قۇقىقتىق جانە باسقا دا جاعدايلارىن زەردەلەۋگە, استانانىڭ ينۆەستيتسيالىق ۇسىنىستارىمەن تانىسۋلارىنا, سونداي-اق, رەسمي جانە ىسكەرلىك قاۋىمى وكىلدەرىمەن وڭىرلىك ينۆەستيتسيالىق ىنتىماقتاستىقتىڭ كەلەشەگىن تالقىلاۋعا جان-جاقتى جاعداي جاسالادى.
وسى ورايدا ەرەكشە اتاپ وتەتىن ماسەلە, وتكەن جىلى فورۋمعا 500 تۇراقتى ينۆەستور قاتىستى. سونىڭ ناتيجەسىندە الەۋەتتى ينۆەستورلارمەن 1,5 ملرد. دوللارعا ىنتىماقتاستىق تۋرالى 10 مەموراندۋمعا قول قويىلىپ, وسى شارالار شەڭبەرىندە قالا اۋماعىندا ناقتى جوبالار جۇزەگە اسىرىلۋدا.
«ەگەمەن-اقپارات».