اۆتوگول, حەت-تريك, كامبەك

العاشقى ماتچ «شاحتەر» مەن «تاراز» اراسىندا ءوتتى. باسەكەنىڭ تاعدىرىن اۆتوگول شەشتى. 16 مينۋتتا قوناقتاردىڭ قورعاۋشىسى نۇرلان دايىروۆ ءوز قاقپاسىنا دوپ سوقتى – 1:0. ودان كەيىن تابلوداعى ەسەپ وزگەرگەن جوق. «اتىراۋ» ءوز الاڭىندا «كاسپيدى» قابىلدادى. ءبىر ساعاتقا جۋىق ۋاقىت بويى تىزگىندى ءوز قولدارىندا بەرىك ۇستاعان قوناقتار 18 جانە 51-مينۋتتاردا مەرگەندىك تانىتتى. ەكى گولدىڭ دا اۆتورى – يۆان پەشيچ. سول ساتتە عانا ەستەرىن جيعان اتىراۋلىقتار دامىلسىز شابۋىلداپ, اقىرىندا ماڭىزدى ءۇش ۇپايعا قول جەتكىزدى. 59-مينۋتتا يۋري زاۆەزين ەسەپ ايىرماشىلىعىن قىسقارتسا, 65 جانە 86-مينۋتتاردا اندريا فيليپوۆيچ نىسانانى ءدال كوزدەدى – 3:2.

شىمكەنتتە «ورداباسى» تۇركىستاننىڭ «تۇرانىنا» ەسە جىبەردى. ەڭ وكىنىشتىسى, ءبىرىنشى تايم بەل ورتادان اۋعاندا الاڭ يەلەرى ەكى دوپ جىبەرىپ الدى. ۇزىلىستەن كەيىن «ورداباسىنىڭ» ويىنشىلارى ءبىر مارتە مەرگەندىك تانىتتى. بىراق ودان ارىگە ولاردىڭ الدەرى جەتپەدى – 1:2. «اقسۋ» مەن «ماقتارال» اراسىنداعى ماتچتا التى گول سوعىلدى. ناتيجەسىندە, 4:2 ەسەبىمەن العاشقىلارى جەڭىسكە جەتتى. بۇل كەزدەسۋدە ەركەبۇلان تۇڭعىشباەۆ حەت-تريك جاسادى.