ۆەلوشاباندوزداردىڭ «ۆۋەلتا» كوپكۇندىگىنىڭ 15 كەزەڭى پيرەنەي تۇبەگىنىڭ وڭتۇستىگىندەگى مارتوس پەن سەررا-نەۆادا دەپ اتالاتىن تاۋلى ايماقتاردا ءوتتى.
كەشە عانا ەكىنشى ورىن الىپ, قازاقستاندىق جانكۇيەرلەردى قۋانتقان «استانانىڭ» سەركەسى ميگەل انحەل لوپەس بۇل جولى دا جاقسى ونەر كورسەتتى. وسى كەزەڭنىڭ جەڭىمپازى تيمەن ارەنسماننان 1 مينۋت 15 سەكۋند قالىپ قويعان ول ءۇشىنشى ساتىعا جايعاستى. نەمىستەردىڭ Team DSM كلۋبىنىڭ نامىسىن قورعاپ جۇرگەن 22 جاستاعى نيدەرلاندتىڭ جاس جۇلدىزى 149,6 شاقىرىمدىق قاشىقتىقتى 4 ساعات 17 مينۋت 17 سەكۋندتا ءجۇرىپ ءوتتى. ەكىنشى ورىندى يسپانيانىڭ Movistar Team ۇجىمىنىڭ وعلانى, گەرمانيالىق ەنريك ماس يەلەندى.
جالپى ەسەپتەگى جاعداي وزگەرىسسىز. بەلگيالىق رەمكو ەۆەنەپۋل (Quick-Step Alpha Vinyl Team), سلوۆەنيالىق پريموج روگليچ (Jumbo-Visma) جانە ەنريك ماس (Movistar Team) ۇزدىك ۇشتىكتىڭ ساناتىندا. ميگەل انحەل لوپەس ءالى دە التىنشى ورىنعا تابان تىرەپ تۇر.