ەلوردالىق قازاقستان حالقى اسسامبلەياسى قوستانايعا گۋمانيتارلىق كومەك جىبەرەدى. 5 قىركۇيەكتەن باستاپ قاجەتتى زاتتاردى قابىلداۋ باستالادى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ەستەرىڭىزگە سالا كەتەيىك, قوستاناي وبلىسىنداعى توتەنشە جاعدايعا بايلانىستى نۇر-سۇلتان قالاسىنىڭ دوستىق ءۇيى (ب.مومىش ۇلى, 24/9) ورتتەن زارداپ شەككەندەرگە گۋمانيتارلىق كومەك جيناۋ شتابىن اشتى. گۋمانيتارلىق كومەك تىرشىلىكتى قامتاماسىز ەتۋ جۇيەلەرىن, قيراعان ۇيلەر مەن ينفراقۇرىلىمدى قالپىنا كەلتىرۋگە باعىتتالادى.
ء«بىز, قازاقستان حالقى اسسامبلەياسى قوستاناي وبلىسىنىڭ تۇرعىندارىنا كومەكتەسۋدى ءوزىمىزدىڭ ازاماتتىق پارىزىمىز دەپ سانايمىز, جەرلەستەرىمىزدى ساۋاپتى ىستە شەت قالماۋعا جانە قولدان كەلگەنشە كومەك كورسەتۋگە شاقىرامىز. ءبىز ورتاق يگى ىسكە ءوز ۇلەسىمىزدى قوسۋعا دايىنبىز!», دەلىنگەن ەلوردالىق اسسامبلەيانىڭ حابارلاماسىندا.