جۇلدە قورى – 200 ميلليون تەڭگە

ايەلدەر اراسىندا وتەتىن جا­رىستا قازاق ەلىنىڭ نامىسىن الەم­دىك رەيتينگتە 14-ورىندا تۇر­عان جانسايا اب­دىمالىك (2495 ۇپاي) قور­عاي­دى. رەگلامەنتكە ساي قا­بىل­داۋشى ەل تۋرنيرگە تاعى ءبىر ويىنشىنى قوسۋعا قۇ­قىلى. بۇل رەتتە تاڭداۋ ءبي­بى­سارا اسۋ­باە­ۆاعا (2439) ءتۇستى. قا­زىرگى كەز­دە ول ۇزدىكتەر تىزى­مىندە 32-ورىن­دى يەلەنۋدە. اري­نە, وعان قاراعاندا دي­نارا سا­دۋاقاسوۆانىڭ (2446) كور­سەت­كىشى ءبىرشاما جاقسى. تا­جى­ريبەلى شاحماتشىمىز بۇل كۇندەرى 28-ساتىعا جايعاستى. الايدا دينارا سوڭعى كەزدەرى ءدۇبىرلى دودالارعا سيرەك قا­تىسىپ ءجۇر. سول سەبەپتى دە ۇلت­تىق قۇراما باپكەرلەرى بي­­­بىساراعا سەنىم ارتۋدى قۇپ كوردى. قالاي بولعاندا دا, ءبىز جەر­لەستەرىمىزگە ۇلكەن ءۇمىت ار­تىپ وتىرمىز. ءوز ەلىمىزدە, ءوز جە­رىمىزدە وتەتىن بايراقتى با­­سەكەدە قازاق قىزدارى نا­مىس­­تى قولدان بەرمەيدى دەگەن ويدا­مىز.

نۇر-سۇلتانعا كەلەتىن «ويلىلار ويىنى» وكىلدەرىنىڭ تورتەۋى – رەسەيلىكتەر. ولار – الەك­­ساندرا گورياچكينا (في­دە رەيتينگىندە №2 ورىن, 2579 ۇپايى بار), ەكا­تە­رينا لاگنو (№4, 2547), الەك­­­ساندرا كوس­تەنيۋك (№11, 2521) جانە پو­لينا شۋۆالوۆا (№12, 2510). سونىمەن قاتار باق سى­ناۋ­شىلار اراسىندا قى­­­تايلىق تان چجۋني (№9, 2525) مەن چجۋ تسزينەر (№21, 2464), پولشالىق الي­­نا كاشلينسكايا (№15, 2504), گەرمانيالىق دي­نا­را ۆاگنەر (№116, 2341) مەن ەلي­­زابەت پەتتس (№13, 2484) جانە ۇندىستاندىق كو­نەرۋ حامپي سىندى ايگىلى شاحماتشىلار بار. ولاردىڭ رەيتينگ­تە جوعارى ورىندارعا جاي­عاسقاندارىن ايتپاعاندا, كەي­بىرى كەزىندە الەم چەمپيو­نى اتا­عىنان دا ۇمىتكەر بولعان.

مىنە, ەلوردا تورىندە وتە­تىن ءدۇبىرلى دودادا ءبىزدىڭ بۇرىم­دىلارعا وسىنداي اتاقتى شاح­ماتشىلارمەن شەبەرلىك بايقاسۋعا تۋرا كەلەدى. وسى جارىستى تاماشالاۋ ءۇشىن ەلى­مىزدىڭ مادەنيەت جانە سپورت ءمينيسترى, فيدە پرەزي­دەنتى جانە تاعى باسقا دا لاۋا­­زىمدى تۇلاعالار كەلەدى دەپ كۇ­تىلۋدە. ەڭ باستىسى, Women Grand Prix-2022 تۋر­نير­لەرى سەرياسىندا ەڭ كوپ ۇپاي جيعان ويىنشى الەمدىك ءتاج ءۇشىن تالاسۋ مۇمكىندىگىنە يە بو­لادى.