قورعانىس ءمينيسترى گەنەرال-پولكوۆنيك رۋسلان جاقسىلىقوۆتىڭ نۇسقاۋى بويىنشا قارۋلى كۇشتەردىڭ قۇرامالارى مەن بولىمدەرىنىڭ بولىمشەلەرى قوستاناي وبلىسىنداعى ءورتتى وقشاۋلاۋ جونىندەگى ءىس-شارالارعا تارتىلدى, دەپ حابارلايدى Egemen.kz.
ءورت بولعان جەرگە ءبىرىنشى بولىپ ەلوردادان اسكەري-كولىك اۆياتسياسىمەن 120-دان استام دەسانتشى, سونداي-اق حالىقتى ەۆاكۋاتسيالاۋعا كومەك كورسەتەتىن جەرگىلىكتى اۋماقتىق قورعانىس بريگاداسىنىڭ تۇراقتى قۇرامىنىڭ 45 اسكەري قىزمەتشىسى كەلدى.
ءورتتى جويۋعا كوپتەگەن ماماندار مەن اسكەري تەحنيكا تارتىلدى. «شىعىس» وڭىرلىك قولباسشىلىعىنان 31 بىرلىك ارنايى تەحنيكا مەن 38 اسكەري قىزمەتشى جىبەرىلدى. قوستاناي وبلىسىنا «استانا» وڭىرلىك قولباسشىلىعىنان شامامەن 10 ارنايى تەحنيكا جونەلتىلدى.
اسكەري-اۋە كۇشتەرى ماتەريالدىق قۇرالدار مەن جەكە قۇرامدى داعدارىس اۋدانىنا اۋىستىرۋ ءۇشىن اسكەري-كولىك اۆياتسياسىن, سونداي-اق ارنايى اسپاداعى ءورت ءسوندىرۋ جۇيەلەرى بار 4 كولىكتىك-جاۋىنگەرلىك تىكۇشاقتى جۇمىلدىردى.
قارۋلى كۇشتەردىڭ بولىمشەلەرى جەدەل شتابپەن تۇراقتى بايلانىستا بولادى.