3 قىركۇيەك كۇنى تاڭعى ۋاقىتتا ەسكەلدى اۋدانىندا Toyota Camry جانە Mitsubishi L200 اۆتوكولىكتەرى سوقتىعىسىپ قالعان, دەپ حابارلايدى Egemen.kz polisia.kz-كە سىلتەمە جاساپ.
جول اپاتى سالدارىنا ءۇش ادام قايتىس بولدى.
دەرەك بويىنشا «الماتى – وسكەمەن» اۆتوجولىنىڭ 295 شاقىرىمىندا Toyota Camry اۆتوكولىگىن باسقارعان 40 جاستاعى ەر ادام رۋلگە يە بولا الماي, قارسى جولاققا شىعىپ, Mitsubishi L200 اۆتوكولىگىمەن سوقتىعىسقان. وقيعا ورنىندا جاس ايەل مەن 10 جاستاعى بالا كوز جۇمدى. اۋىر جاراقات العان تاعى ءتورت ادام اۋرۋحاناعا جەتكىزىلدى, الايدا وندا 13 جاستاعى قىز كوز جۇمعان.
اتالعان دەرەك بويىنشا قر قك-ءنىڭ 345-بابى 4-بولىگىندە كوزدەلگەن قىلمىستىق ءىس تىركەلدى.