WBO نۇسقاسى بويىنشا ورتا سالماقتاعى الەم چەمپيونى قازاقستاندىق جانىبەك ءالىمحان ۇلى (12-0, 8 كو) دۇنيەجۇزىلىك بوكس ۇيىمىنىڭ رەيتينگىندە ءۇشىنشى ورىندا تۇرعان برازيليالىق ەسكيۆا فالكاومەن (30-0, 20 كو) جۇدىرىقتاسۋعا كەلىستى, دەپ حابارلايدى Egemen.kz Sports.kz سايتىنا سىلتەمە جاساپ.
ءبىر كۇن بۇرىن فالكاو ءالىمحان ۇلىنا جەكپە-جەك وتكىزۋ تۋرالى ۇسىنىسىمەن جۇگىنگەن. جاۋاپ رەتىندە جانىبەك ۇسىنىستى كومانداسىمەن تالقىلاۋعا شاقىرعان. ال ناقتى ۇسىنىس بولعان جاعدايدا ەسكيۆامەن جۇدىرىقتاسۋعا قارسى ەمەس ەكەنىن اڭعارتتى.
بۇعان دەيىن جانىبەك ءالىمحان ۇلى برازيليالىق بوكسشىعا باسقاشا جاۋاپ بەرىپ كەلگەن ەدى. العاشىندا اتاقتارى جوق بولعاندىقتان ونى قىزىقتىرمايتىنىن ايتىپ قالعان.
كەيىن 2012 جىلعى وليمپيادا جۇلدەگەرىن مۇگەدەكتەر ارباسىنا وتىرعىزامىن دەپ سەس كورسەتە باستادى.