ۇكىمەت باسشىسى دارحان ساتىبالدىعا تاپسىرما جۇكتەدى

جينالىس بارىسىندا ءاليحان سمايىلوۆ دەپۋتاتتارعا قر پرەزيدەنتىنىڭ وبلىس اكىمى قىزمەتىنە ۇلاسبەك سادىبەكوۆ پەن دارحان ساتىبالدىنىڭ كانديداتۋرالارىن قاراۋعا ەنگىزۋ تۋرالى حاتىن وقىدى. 

ەسكە سالا كەتسەك, وبلىستىڭ بۇرىنعى اكىمى ومىرزاق شوكەەۆ بەرگەن وتىنىشىنە سايكەس قىزمەتىنەن بوساتىلدى.

ۇكىمەت باسشىسى كانديداتتاردىڭ ارقايسىسىنىڭ ءوڭىردى باسقارۋ ءۇشىن كاسىبي تاجىريبەسى مول جانە قاجەتتى قۇزىرەتتەرى بار ەكەنىن اتاپ ءوتتى.

داۋىس بەرۋ ناتيجەسى بويىنشا 200 دەپۋتاتتىڭ 200-ءى دارحان ساتىبالدىنىڭ كانديداتۋراسىن جاقتاپ داۋىس بەردى, 86 دەپۋتات ۇلاسبەك سادىبەكوۆتى تاڭدادى.

وبلىس اكتيۆىنە جاڭا اكىمدى تانىستىرعان ءاليحان سمايىلوۆ قر پرەزيدەنتى ءوڭىر باسشىلىعىنىڭ الدىنا ازاماتتاردىڭ ءال-اۋقاتىن ارتتىرۋ, ءتۋريزمدى, اگروونەركاسىپ كەشەنىن جانە باسقا دا سالالاردى دامىتۋ بويىنشا مىندەتتەر قويعانىن ايتا كەتتى.

تۇركىستان وبلىسىن دامىتۋدىڭ 2025 جىلعا دەيىنگى كەشەندى جوسپارى اياسىندا بىرقاتار ماڭىزدى جوبالاردى ىسكە اسىرۋ كوزدەلگەن, ونىڭ ىشىندە جاڭا ءونىم شىعارۋ, جولداردى جاڭعىرتۋ, تۇراقتى جۇمىس ورىندارىن قۇرۋ جانە ازاماتتاردىڭ ءومىر ءسۇرۋ ساپاسىن جاقسارتۋ بويىنشا جابالار بار.

ء«وڭىر باسشىلىعى ەكونوميكانى بارىنشا ءارتاراپتاندىرۋ بويىنشا جۇمىستى جانداندىرۋى قاجەت. تۇرعىنداردى جۇمىسپەن قامتىپ, ازىق-ت ۇلىك ونىمدەرى باعاسىنىڭ ءوسۋىن تەجەۋ, حالىقتى گازبەن جانە سۋمەن جابدىقتاۋ, سونداي-اق مەكتەپتەگى ورىن جەتىسپەۋشىلىگىن جويۋ ماسەلەلەرىنە ءبىرىنشى كەزەكتە نازار اۋدارۋ قاجەت», دەدى پرەمەر-مينيستر ءوز سوزىندە. 

ۇكىمەت باسشىسى وبلىس اكىمدىگىنىڭ جۇمىسى حالىقپەن ءتيىمدى ديالوگ نەگىزىندە قۇرىلۋى ءتيىس ەكەنىن ەسكە سالدى.

ءاليحان سمايىلوۆ قازىرگى ۋاقىتتا ءتۋريزمنىڭ وبلىس ەكونوميكاسىنىڭ نەگىزگى سالالارىنىڭ ءبىرى ەكەنىن, سوندىقتان وتاندىق جانە شەتەلدىك تۋريستەر ءۇشىن قولايلى جاعداي جاساۋ جونىندەگى جۇمىستى جالعاستىرۋ قاجەتتىگىن اتاپ ءوتتى.

جيىن سوڭىندا پرەمەر-مينيستر ومىرزاق شوكەەۆكە تۇركىستان قالاسىنىڭ جانە ءوڭىردىڭ دامۋىنا قوسقان زور ۇلەسى ءۇشىن العىس ايتتى.