شايبالى حوككەيدەن رەسەيدىڭ چەليابى قالاسىندا جالاۋى جەلبىرەگەن «گۋبەرناتور كۋبوگى» جولىنداعى جارىستىڭ ەكىنشى كەزدەسۋىندە نۇر-سۇلتاننىڭ «بارىسى» جەڭىلىس تاپتى.
ەكىنشى كەزەڭ باستالعان بەتتە ەلوردالىق كلۋب ەسەپ اشتى. 21-مينۋتتا نيكيتا ميحايليستەن تاماشا پاس العان ليندەن ۆەي شايبانى تورعا ءدوپ ءتۇسىردى. دەسەك تە, ۇزىلىسكە دەيىن الاڭ يەلەرى نىسانانى ەكى مارتە ءدال كوزدەپ, العا شىقتى. بۇل گولداردىڭ اۆتورلارى – انتون بۋرداسوۆ پەن نيكيتا تەرتىشنىي. ولار 32 جانە 35-مينۋتتاردا مەرگەندىك تانىتتى. ءۇشىنشى كەزەڭدە ماكسيم شابانوۆ ەسەپ ايىرماشىلىعىن قىسقارتتى. بىراق ودان ارىگە جەرلەستەرىمىزدىڭ ءالى جەتپەدى. ەسەپ – 2:3.
ەستەرىڭىزگە سالا كەتەيىك, تۇساۋكەسەر كەزدەسۋىندە «بارىس» ەكاتەرينبۋرگتىڭ ء«اۆتوموبيليسىن» 2:1 ەسەبىمەن ۇتقان ەدى.