جامبىل وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى جۇرگىزگەن انتيكوررۋپتسيالىق مونيتورينگ بارىسىندا اۋىل شارۋاشىلىعى ماقساتىنداعى ءىرى جەر ۋچاسكەسىن پايدالانباۋ فاكتىسى انىقتالدى, دەپ حابارلايدى Egemen.kz انتيكورعا سىلتەمە جاساپ.
«سارىسۋ اۋدانى اكىمدىگىنىڭ 2006 جىلعى 18 شىلدەدەگى شەشىمىمەن «بن ەكوتەحنولوگيا» جشس-نا 49 جىل مەرزىمگە 60 000 گا جايىلىمدىق جەر ۋاقىتشا پايدالانۋعا بەرىلدى. بۇل اۋداننىڭ بارلىق جايىلىمدىق القاپتارىنىڭ 10,2%-ىن قۇرايدى.
الايدا بۇگىنگى كۇنگە دەيىن «بن ەكوتەحنولوگيا» جشس مال باسىن تىركەۋ جۇرگىزىلمەگەن, دەمەك, جايىلىمدىق جەرلەر ماقساتقا ساي پايدالانىلماعان», دەلىنگەن حابارلامادا.
وسىعان بايلانىستى, دەپارتامەنتتىڭ جامبىل وبلىسى اكىمىنە 28 شىلدەدەگى جەر پايدالانۋشىدان جەردى ماجبۇرلەپ الىپ قويۋ بويىنشا شارالار قابىلداۋ تۋرالى حاتى نەگىزىندە 19 تامىزدا سارىسۋ اۋدانىنىڭ اكىمدىگى مەملەكەتكە 60 000 گا جەردى قايتاردى.
ۋچاسكەنىڭ كاداسترلىق باعالاۋ قۇنى 336,0 ملن تەڭگە.