قر قما TasksCat ينتەرنەت-جوباسىندا قارجى پيراميداسىنىڭ بەلگىلەرىن انىقتادى. ازاماتتارعا سىياقى ءۇشىن تاپسىرمالاردى ورىنداي وتىرىپ, 2500 تەڭگە كولەمىندە تابىس تابۋ ۇسىنىلدى, دەپ حابارلايدى Egemen.kz.
جاڭا قاتىسۋشىنى شاقىرعاندارعا تولەمدەردىڭ 5-تەن 15%-نا دەيىن ۇلەسى تولەنەتىنى ايتىلعان. ۇيىمداستىرۋشىلار 100-دەن 1000%-عا دەيىنگى كىرىسپەن «پاكەتتىك» قىزمەتتەردى ساتتى.
جاڭا قاتىسۋشىلار جەڭىمپازداردىڭ فوتوسۋرەتتەرىن جاريالاۋ ارقىلى باسقا ادامداردى تارتقان.
قازىرگى ۋاقىتتا جوبانىڭ ينتەرنەت-رەسۋرسى جۇمىس ىستەمەيدى. سايتتى بۇعاتتاۋ بويىنشا جۇمىستار بارىنشا جۇرگىزىلۋدە.
«قىلمىستىق قۇقىق بۇزۋشىلىق بەلگىلەرىن انىقتاۋ ماقساتىندا Telegram الەۋمەتتىك جەلىسىندە كورسەتىلگەن مالىمەتتەر اقپاراتتى ەسەپكە الۋ كىتابىندا تىركەلگەن. تەكسەرۋ ناتيجەلەرى بويىنشا قۇقىقتىق باعا بەرىلىپ, پروتسەستىك شەشىم قابىلدانادى», دەلىنگەن ۆەدومستۆو تاراتقان حابارلامادا.