18 تامىز كۇنى بەينەۋ اۋىلىندا كيىك دەريۆاتىن زاڭسىز تاسىمالدادى دەگەن كۇدىكپەن جەرگىلىكتى تۇرعىن ۇستالدى, دەپ حابارلايدى Egemen.kz polisia.kz-كە سىلتەمە جاساپ.
جەكە ءۇيدى ءتىنتۋ كەزىندە 198 كيىك ءمۇيىزى تاركىلەندى.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 339-بابىنىڭ 1-بولىگىمەن سوتقا دەيىنگى ءىس قوزعالدى.
تەرگەۋ مۇددەسىنە قاتىستى باسقا مالىمەتتەر جاريالانبايدى.
ەسكە سالايىق, كيىكتەردى زاڭسىز اۋلاۋ نەمەسە ونىڭ ەتى مەن ءمۇيىزىن تاسىمالداۋ بولمايدى. بۇل تالاپقا باعىنباعان ادام زاڭعا سايكەس جازالانادى. ياعني, مۇلكى تاركىلەنىپ, 3 جىلدان 10 جىلعا دەيىن باس بوستاندىعىنان ايىرۋ تۇرىندەگى قىلمىستىق جاۋاپكەرشىلىككە تارتىلادى.