قىزىلوردادا كارىز قۇدىعىنا تۇسىپ كەتكەن 2 جاسار بالانى امان الىپ قالعان 15 جاستاعى ارمان امانجولوۆتى ءتارتىپ ساقشىلارى ماراپاتتادى, دەپ حابارلايدى Egemen.kz قىزىلوردا قالالىق ءىىد ءباسپاسوز قىزمەتىنە سىلتەمە جاساپ.
ءجاسوسپىرىمدى قالالىق ىشكى ىستەر ءبولىمىنىڭ باستىعى ابدىبەك جانازاروۆ قابىلداپ, كورسەتكەن باتىلدىعى ءۇشىن العىس ءبىلدىردى. قۇرمەت گراموتاسى مەن قول ساعاتى سالتاناتتى تۇردە تابىس ەتىلدى.
ەسكە سالا كەتەيىك, 19 تامىزدا قىزىلوردادا ءتورت مەترلىك كارىز قۇدىعىنا ءتۇسىپ كەتكەن ەكى جاسار بالانى كەزدەيسوق ءوتىپ بارا جاتقان ءجاسوسپىرىم قۇتقارىپ قالعان ەدى.
ارمان قىزىلورداعا م.يحسانوۆ اتىنداعى قىزىلوردا پوليتەحنيكالىق كوللەدجىنە ءتۇسۋ ءۇشىن كەلگەن. تاڭداعان ماماندىعى - ەلەكتريك. ول كوپبالالى وتباسىنان شىققان جىگىت. الدىندا ەكى اپكەسى, ەكى اعاسى بار ارمان ءۇيدىڭ كەنجەسى ەكەن.