فۋتبولدان قازاقستان چەمپيوناتىنىڭ كەزەكتى تۋر ويىندارى ءوتتى. بۇل كەزەڭدەگى كەزدەسۋلەر ارقىلى قاي كوماندانىڭ كوش باستايتىنى انىقتالۋعا ءتيىس ەدى.
سول مۇمكىندىكتى «اقتوبە» ۇتىمدى پايدالاندى. «ورداباسىنا» قارسى ويىندا بىردەن تىزگىندى قولعا العان الاڭ يەلەرى تورەشى بەلگى بەرگەن بەتتە دوپتى توردا تۋلاتتى. جىلدام سوعىلعان گولدىڭ اۆتورى – دوس سانتوس رودجەريو الۆەش. ارادا 10 مينۋتتان اسا ۋاقىت وتكەندە ەلحان استانوۆ تارازى باسىن تەڭەستىردى. دەسەك تە, شىمكەنتتىكتەردىڭ قۋانىشى ۇزاققا سوزىلمادى. 27-مينۋتتا الۆەش ءدۋبلدىڭ اۆتورى اتانسا, ماتچتىڭ سوڭعى مينۋتتارىندا يۋگو ۆيدمون مەرگەندىك تانىتتى. ەسەپ – 3:1. وسى جەڭىسىنىڭ ارقاسىندا «اقتوبە» جارىس كەستەسىندە ءبىرىنشى ورىنعا شىقتى. ولار 16 كەزدەسۋدەن كەيىن 32 ۇپاي جيناپ وتىر.
وزگە ويىنداردىڭ ناتيجەلەرى مىناداي: «اقسۋ» – «قايرات» 1:2, «استانا» – «قىزىلجار» 1:0, «توبىل» – «تاراز» 2:2, «اقجايىق» – «كاسپي» 2:0, «شاحتەر» – «اتىراۋ» 0:0 جانە «ماقتاارال» – «تۇران» 2:0.