بەننەتتىڭ بابى كەلىسىپ تۇر

گەرمانيانىڭ BORA-hansgrohe كلۋبى ساپىندا ونەر كورسەتىپ جۇرگەن يرلانديالىق سپورتشى 193,2 شاقىرىمدىق قاشىقتىقتى 4 ساعات 05 مينۋت 53 سەكۋندتا ءجۇرىپ ءوتتى. وسى­نىڭ الدىنداعى 2-كەزەڭدە دە بەننەت مارە سى­زىعىن ءبىرىنشى بولىپ قيعان ەدى. ال بۇل جولى ەكىنشى جانە ءۇشىنشى ورىنداردى دانيالىق مادس پەدەرسەن Trek-Segafredo مەن ۇلى­بري­تانيالىق دانيەل ماكلەي Team Arkéa Samsic يەلەندى. «استانانىڭ» وكىلى ەۆگەني فەدوروۆ مارە سىزىعىن 26-شى بولىپ قيىپ ءوتتى.

جالپى ەسەپتە نيدەرلاندتىڭ Jumbo-Visma كومانداسىنىڭ نامىسىن قورعاپ جۇرگەن 26 جاستاعى يتاليالىق ساڭلاق ەدواردو اففيني كوش باستاپ كەلەدى. ونىڭ ۋاقىتى – 8 ساعات 20 مينۋت 07 سەكۋند. ودان كەيىنگى ورىنداردا دا ءدال سول كلۋبتىڭ مۇشەلەرى. ولار – نيدەرلاندتىق سەم وومەن مەن سلوۆەنيالىق پريموج روگليچ. «استانانىڭ» ساپىنداعى يتاليالىق لەگيونەر ۆينچەنتسو نيبالي 61-ساتىعا جايعاستى.