قاراعاندى وبلىسىندا كەيبىر وسىمدىك شارۋاشىلىقتارى استىق, كارتوپ جانە كوكونىس جيناۋعا كىرىستى. جاپپاي ناۋقان 1 قىركۇيەكتە باستالادى, دەپ حابارلايدى Egemen.kz.
ءوڭىر اكىمدىگىنىڭ رەسمي سايتىندا ءمالىم ەتىلگەندەي, كۇزگى دالا جۇمىستارىنا دايىندىق ماسەلەسى اپپارات كەڭەسىندە قارالدى.
اۋىل شارۋاشىلىعى باسقارماسىنىڭ باسشىسى اسقار ساناۋباروۆتىڭ ايتۋىنشا, جەم دايىنداۋ اياقتالۋعا جاقىن. قازىردىڭ وزىندە قاجەتتى ءشوپ قورىنىڭ 90% جۋىعى بار. سونىمەن قاتار پىشەندەمە دايىندالدى.
«بيىل ءداندى داقىلداردى جيناۋ الاڭى 920 مىڭ گا, مايلى داقىلدار – 58,4 مىڭ گا, كارتوپ – 11 507 گا جانە كوكونىستەر – 1 436 گا قۇرايدى, استىقتىڭ ورتاشا ونىمدىلىگى 8,6 تس/گا دەڭگەيىندە كۇتىلۋدە, بارلىق قاجەتتى تەحنيكا دايىن», دەدى اسقار ساناۋباروۆ.
وسىمدىك وسىرۋشىلەرگە تىڭايتقىشتاردىڭ, تۇقىمداردىڭ, پەستيتسيدتەردىڭ قۇنىن, سۋارمالى سۋدى جەتكىزۋ شىعىندارىن وتەۋگە 4,8 ملرد تەڭگە سۋبسيديا تولەندى. اۋىل شارۋاشىلىعى كاسىپورىندارى اگرارلىق نەسيە كورپوراتسياسى ارقىلى قارجىلاي كومەك الدى. ارزانداتىلعان باعامەن ديزەل وتىنى ءبولىندى.
ءداندى داقىلداردى جاپپاي جيناۋدى 1–25 قىركۇيەك ارالىعىندا وتكىزۋ جوسپارلانىپ وتىر.
كارتوپتى جيناۋ 30 قىركۇيەككە دەيىن اياقتالۋى ءتيىس.
وبلىس اكىمى جەڭىس قاسىمبەك ازىق-ت ۇلىك قاۋىپسىزدىگىن قامتاماسىز ەتۋ ءۇشىن تۇراقتاندىرۋ قورىنا كارتوپ پەن كوكونىستەردى ۋاقىتىلى جيناۋ جانە وتىرعىزۋ جونىندە تاپسىرما بەردى.