قازاقستاندا ديزەل وتىنىنا ديفتاريف ەنگىزىلدى

بۇيرىققا سايكەس مىناداي ماركالى بەنزيننىڭ باعاسى بۇرىنعى دەڭگەيدە قالادى:

اي-80 – 89 تەڭگە. قوستاناي جانە سولتۇستىك قازاقستان وبلىستارىندا اي-92 جانە اي-93 ماركالى بەنزيننىڭ باعاسى ليترىنە 187 تگ, قازاقستاننىڭ باسقا وبلىستارىندا ليترىنە 182 تگ, ديزەل وتىنىنىڭ باعاسى ليترىنە 450 تەڭگە بولادى.

بۇيرىقپەن قازاقستان رەسپۋبليكاسىندا بەرىلگەن جۇرگىزۋشى كۋالىگىن كورسەتكەن كەزدە ديزەل وتىنىنىڭ ءليميتى وڭىرىنە قاراي كۇنىنە 100 ليتر كولەمدە ءبىر ليترىنە 230-260 تەڭگە باعامەن بەلگىلەنگەن, ال قازاقستان رەسپۋبليكاسىندا كولىك قۇرالدارىن تىركەۋ تۋرالى كۋالىكتى كورسەتكەن كەزدە جۇك, ارنايى, مامانداندىرىلعان اۆتوموبيلدەر مەن اۆتوبۋستار ءۇشىن بەكىتىلگەن ليميت 300 ليتر ءۇشىن تاۋلىگىنە وڭىرىنە قاراي ليترىنە 230-260 تەڭگە باعامەن ساتىلادى.

قالعان ساناتتاعى ادامدارعا, سونداي-اق كورسەتىلگەن ليميتتەردەن جوعارى ديزەل وتىنى ليترىنە 450 تەڭگەدەن بوساتىلادى.

سونداي-اق, قر ەنەرگەتيكا مينيسترلىگى مۇددەلى تاراپتارمەن بىرلەسىپ, اۆتوجانارماي قۇيۋ ستانتسيالارىندا (اجقس) ساتىلاتىن ديزەل وتىنىنىڭ تاۋلىكتىك كولەمىن ودان ءارى قاداعالاۋ ءۇشىن اقپاراتتىق جۇيەنى انىقتاۋعا بايلانىستى ماسەلەلەردى پىسىقتاپ جاتىر.

جاقىن ارادا اجقس وكىلدەرىمەن بىرلەسىپ جۇيەلەردى تەستىلەۋ وتكىزىلەدى. قازىرگى تاڭدا 2019 جىلى ونەركاسىپتىك پايدالانۋعا ەنگىزىلگەن «مۇناي ونىمدەرىنىڭ جەكەلەگەن تۇرلەرىن ەسەپكە الۋدىڭ اقپاراتتىق جۇيەسى» ىقتيمال نۇسقالاردىڭ ءبىرى رەتىندە قاراستىرىلۋدا. قازىرگى ۋاقىتتا ەلدىڭ اجقس ناقتى ۋاقىت رەجيمىندە مۇناي ونىمدەرىنىڭ قالدىقتارى بويىنشا دەرەكتەردى كورسەتىلگەن اقپاراتتىق جۇيەگە بەرىپ جاتىر. قر ۇكىمەتىنىڭ 2015 جىلعى 31 جەلتوقسانداعى № 1177 قاۋلىسىنا سايكەس اتالعان اقپاراتتىق جۇيەنىڭ وپەراتورى «ۇلتتىق اقپاراتتىق تەحنولوگيالار» اق بولىپ تابىلادى.

Argus كاسپي نارىعى سەرۆيسىنىڭ دەرەكتەرى بويىنشا ەەو-عا مۇشە ەلدەردە ديزەل وتىنىنىڭ قۇنى 2022 جىلعى 1 تامىزدا مىنانى قۇرادى: ارمەنيا – 758 تگ/ليتر; رەسەي – 446 تگ/ليتر; قىرعىزستان – 412 تگ/ليتر; بەلارۋس-446 تگ/ليتر.