تۇرعىندارعا «قازاقستان حالقىنا» قوعامدىق قورى اتىنان الاياقتاردىڭ قوڭىراۋ شالۋ دەرەكتەرى تىركەلدى, دەپ حابارلايدى Egemen.kz.
«قۇرمەتتى قولدانۋشىلار, «قازاقستان حالقىنا» قوعامدىق قورى الاياقتىق فاكتىلەرى كوبەيىپ جاتقانىن ەسكەرتەدى. الاياقتار وزدەرىن قور وكىلدەرى رەتىندە تانىستىرادى. ولارعا تۇرعىندارعا جاردەم ۇسىنىپ, «قازاقستان حالقىنا» قورىنا جۇگىنگەندەر ماتەريالدىق تولەمگە يە بولا الاتىنىن ايتادى. سونداي-اق, قولداۋ كومەگىن الۋ ءۇشىن الاياقتار ابونەنتتەردەن «1414» قىسقا نومىرىنەن SMS-حابارلاما ارقىلى جىبەرىلگەن كودتى جازۋدى, سودان كەيىن «قازپوشتا» اق ارقىلى اقشا الۋدى سۇرايدى. قازاقستان حالقىنا» قورى «قازپوشتا» اق ارقىلى قولما-قول تولەمدەردى تاعايىندامايدى جانە قور قىزمەتكەرلەرى ەشبىر جاعدايدا SMS-كود سۇرامايدى. الاياقتارمەن ەشقانداي اقپاراتپەن بولىسپەڭىز. سونىمەن قاتار «1414» نومىرىنەن الىنعان قۇپيا كودتى ءۇشىنشى تۇلعامەن بولىسپەڭىز. بارلىق ءوتىنىم تەك qazaqstanhalqyna.kz جانە اتاmekenim.kz قايىرىمدىلىق ۇيىمىنىڭ سايتىندا بىرىڭعاي رەەستر ارقىلى قابىلدانادى. ول جەردە قولدانۋشى ءوز ءوتىنىشى جايلى تولىق اقپارات الا الادى», دەلىنگەن حابارلامادا.
وسى ورايدا قور قازاقستاندىقتاردى ساق بولۋعا شاقىرادى.