قازىرگى كەزدە سوفيادا ايەلدەر كۇرەسىنەن جاستار اراسىنداعى (U-20) الەم بىرىنشىلىگى ءوتىپ جاتىر. وكىنىشكە قاراي, ءبىزدىڭ بۇرىمدىلارعا ازىرگە جەڭىس تۇعىرىنا كوتەرىلۋ باقىتى بۇيىرمادى.
جەرلەستەرىمىزدىڭ اراسىنان تەك ءمادينا امان عانا جۇلدەلى ورىن ءۇشىن تالاسۋ مۇمكىندىگىن ساقتاپ قالدى. باستاپقى باسەكەلەرىندە باسىمدىق تانىتقان 59 كيلو سالماقتا بەلدەسەتىن ءمادينا جارتىلاي فينالدا ماجارستاندىق ۆيكتوريا بورشوشقا نەبارى ءبىر ۇپاي ايىرماشىلىعىمەن ۇتىلدى. كەشە ول قولا مەدال ءۇشىن تالاستى. وكىنىشكە قاراي, ايەلدەر كۇرەسىنەن وتكەن جارىستىڭ العاشقى كۇنى لاۋرا عانيقىزى (50 كيلو), اينۇر ءاشىموۆا (55 كيلو), جىبەكجان سابىرجانوۆا (68 كيلو) جانە الينا ەرتوستىك (76 كيلو) تۇساۋكەسەر كەزدەسۋلەرىندە ءسۇرىندى.
بۇگىن 53, 57, 62, 65 جانە 72 كيلو سالماق دارەجەلەرىنىڭ جۇلدەلەرى ساراپقا سالىنادى. ال ودان كەيىن گرەك-ريم كۇرەسى شەبەرلەرىنىڭ باسەكەلەرى وتەدى.