شايبالى حوككەيدەن نۇر-سۇلتاندا ءوتىپ جاتقان قازاقستان پرەزيدەنتى كۋبوگىنىڭ تۇساۋكەسەر كەزدەسۋىندە سۇرىنگەن «بارىس» كەلەسى ويىندا جەڭىسكە جەتتى.
بۇل جولى جەرلەستەرىمىز نيجنەكامسكىنىڭ «نەفتەحيميگىمەن» كۇش سىناستى. ءبىرىنشى كەزەڭدە ەسەپ اشىلعان جوق. ۇزىلىستەن كەيىن ميحايل راحمانوۆ نىسانانى ءدال كوزدەپ, «بارىستى» العا شىعاردى. ءۇشىنشى كەزەڭدە ليندەن ۆەي مەن دىنمۇحامەد قايىرجان مەرگەندىك تانىتتى. ەسەپ – 3:0. ەكىنشى كەزدەسۋىندە ماگنيتوگورسكىنىڭ «مەتاللۋرگى» 2:1 ەسەبىمەن ەكاتەرينبۋرگتىڭ «اۆتوموبيليسىنەن» ايلاسىن اسىردى. جەڭىمپاز كوماندانىڭ ساپىندا فيليپپ مايە مەن سەمەن كوشەلەۆ گول سوقتى. ءسويتىپ, قاتارىنان ەكى ماتچتا باسىمدىق تانىتقان ماگنيتوگورسكىلىك حوككەيشىلەر جارىس كەستەسىندە كوش باستادى.
بۇگىن «بارىس» پەن «مەتاللۋرگ» ءوزارا شەبەرلىك بايقاسادى. وسى كەزدەسۋدە جەڭىسكە جەتكەن كوماندا اتالعان جارىستىڭ باس جۇلدەسىن ولجالايدى.