فۋتبولدان قازاقستان كۋبوگىنىڭ جەرەبەسى تارتىلىپ, شيرەك فينالدا قاي كوماندانىڭ ءوزارا كۇش سىناساتىنى انىقتالدى.
اتالعان مەجەدە «تاراز» بەن قاراعاندىنىڭ «شاحتەرى», الماتىنىڭ «قايراتى» مەن ورالدىڭ «اقجايىعى», نۇر-سۇلتاننىڭ «استاناسى» مەن اتاكەنتتىڭ «ماقتاارالى» جانە قىزىلوردانىڭ «قايسارى» مەن شىمكەنتتىڭ «ورداباسى» شەبەرلىك بايقاسادى. بۇل كەزدەسۋلەر 31 تامىزدا وتەدى. 19 قازاندا جارتىلاي فينالدىق ويىنداردى تاماشالايمىز. بۇل ماتچتاردا «قايرات»/«اقجايىق» – «تاراز»/«شاحتەر» جانە «استانا»/«ماقتاارال» – «قايسار»/«ورداباسى» اراسىنداعى باسەكەدە باعى جانعان كوماندالار اقتىق سايىستىڭ جولداماسىن ءوزارا ساراپقا سالادى.
ەستەرىڭىزگە سالا كەتەيىك, ەلىمىزدىڭ ءار وڭىرىندەگى 30 كوماندانىڭ باسىن قوسقان بيىلعى ەل كۋبوگىنىڭ جالاۋى 6 ساۋىردە جەلبىرەگەن ەدى. وسى جارىستا جەڭىمپاز اتانعان ۇجىم بىردەن ۋەفا كونفەرەنتسيا كۋبوگىنىڭ ەكىنشى كەزەڭىنە جولداما الادى.