اقش-تىڭ تسينتسينناتي قالاسىندا شىمىلدىعى تۇرىلگەن حالىقارالىق تۋرنيردە قازاقستاندىق تەننيسشى يۋليا پۋتينتسەۆا ءوزىنىڭ تۇساۋكەسەر كەزدەسۋىن وتكىزدى.
جەرلەسىمىز مەديسون كيزبەن شەبەرلىك بايقاستى. قازىرگى كەزدە مىقتىلار رەيتينگىندە 24-ساتىعا جايعاسقان امەريكالىق تەننيسشى كەزىندە US open دوداسىنىڭ فينالىندا ويناسا, بيىل اۋستراليانىڭ اشىق بىرىنشىلىگىنىڭ جارتىلاي فينالىنا دەيىن جەتكەن ەدى. پۋتينتسەۆا بۇل باسەكەدە بارىن سالعانىمەن, كيزگە ءالى جەتپەدى. 1 ساعات 23 مينۋتكە سوزىلعان تارتىس 7:5, 6:3 ەسەبىمەن اقش وكىلىنىڭ پايداسىنا شەشىلدى.
سونداي-اق كەشە ەكىنشى كەزەڭ ويىندارى باستالدى. ءبىزدىڭ ەلەنا رىباكينا الەمنىڭ بۇرىنعى ءبىرىنشى راكەتكاسى, قازىرگى كەزدە WTA رەيتينگىندە توعىزىنشى ورىندا تۇرعان يسپانيالىق گاربينە مۋگۋرۋسامەن كۇش سىناستى.