بۇل تۋرالى نۇر-سۇلتان قالاسىنىڭ وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسىنىڭ وتىن-ەنەرگەتيكا رەسۋرستارى ءبولىمىنىڭ باسشىسى ماقسات ەسماعۇلوۆ ءمالىم ەتتى, دەپ حابارلايدى Egemen.kz.
قالا اكىمدىگىنىڭ حابارلاۋىنشا گاز تاراتۋ جەلىلەرىنىڭ قۇرىلىسى ءۇش كەزەككە بولىنگەن. 2021 جىلى ءبىرىنشى كەزەكتەگى, سونداي-اق ءىشىنارا ەكىنشى كەزەكتەگى قۇرىلىس اياقتالدى. ەكىنشى جانە ءۇشىنشى كەزەكتىڭ قالعان بولىگى بويىنشا جۇمىستار 2022-2024 جىلدارعا جوسپارلانعان.
«بۇگىنگى كۇنى كوكتال-1, كوكتال-2, اگروقالاشىق, تەمىرجولشىلار, پرومىشلەننىي, وڭتۇستىك-شىعىس (وڭ جاعى مەن سول جاعى), كۇيگەنجار, ميچۋرينو, ينتەرناتسيونالنىي ەلدى مەكەندەرى, سونداي-اق پوتانين كوشەسى اۋدانىندا قالانىڭ ەسكى بولىگىندەگى تۇتىنۋشىلاردى قوسۋ قامتاماسىز ەتىلدى. 650 كم گازبەن جابدىقتاۋ جەلىسىنىڭ قۇرىلىسى اياقتالدى», دەدى ەسماعۇلوۆ.
جالپى, ەلوردادا 200 مىڭعا جۋىق تۇرعىنى بار 14 مىڭ ابونەنت گازعا قوسىلدى. گازعا 4,6 مىڭنان استام ءۇي قوسىلعان.
ايتا كەتۋ كەرەك, جەو-1,2-دەگى 13 قازاندىق گازعا اۋىستىرىلدى.