الماتىنىڭ تۇركسىب اۋدانىندا 594 ءۇي رەنوۆاتسيالاۋدى قاجەت ەتەدى. بۇل تۋرالى اۋدان اكىمىنىڭ ورىنباسارى نايل لەباەۆ وڭىرلىك كوممۋنيكاتسيالار قىزمەتىندە وتكەن بريفينگتە ايتتى, دەپ حابارلايدى Egemen.kz.
سپيكەردىڭ سوزىنشە, الداعى ۋاقىتتا ەكى قاباتتى 13 ەسكى ءۇيدى بۇزۋ جوسپاردا تۇر.
«اۋداننىڭ كوپپاتەرلى تۇرعىن ءۇي قورىندا 1229 ءۇي بار. ونىڭ ىشىندە رەنوۆاتسيانى تالاپ ەتەتىن ەسكى ۇيلەر سانى – 594. قازىرگى ۋاقىتتا ساۋرانباەۆ - سپارتاك - چەرنىشەۆسكي - اقىنوۆ كوشەلەرىنىڭ كۆادراتىندا 13 ەسكى ەكى قاباتتى تۇرعىن ءۇيدى, بارلىعى 201 پاتەردى بۇزۋ جوسپاردا تۇر. اتالعان ۋچاسكەدە 856 پاتەرلى 40 بەس قاباتتى تۇرعىن ءۇي سالىنادى», دەدى نايل لەباەۆ.
سونىمەن قاتار, ول بىلتىر 3 كوپقاباتتى ءۇيدىڭ (62 پاتەر) قۇرىلىسى اياقتالعانىن اتاپ ءوتتى.
ەكى قاباتتى ءۇش ءۇي بۇزىلىپ, ولاردىڭ ورنىنا 7 بەس قاباتتى ءۇيدىڭ (152 پاتەر) قۇرىلىسى باستالدى. جۇمىستاردى 2023 جىلدىڭ 2-توقسانىندا اياقتاۋ كوزدەلگەن.
«QazaqStroy جەكە ينۆەستورىمەن سەيفۋللين, كاسسين, كوتەلنيكوۆ كوشەلەرىنىڭ كۆادراتىندا 30 سەگىز پاتەرلى ەسكى ۇيلەردى رەنوۆاتسيالاۋ باستالدى. اتالعان ۋچاسكەدە 27 التى قاباتتى ءۇي (820 پاتەر) سالىنادى. قازىردە 114 پاتەرلىك 2 ءۇي سالىنىپ, پايدالانۋعا بەرىلدى. 2021 جىلى «اگروسپەتسستروي» مەردىگەرلىك ۇيىمىمەن وسيپەنكو كوشەسىندە 59 پاتەرلى ءبىر كوپپاتەرلى تۇرعىن ءۇيدىڭ قۇرىلىسى باستالدى, نىساندى تاپسىرۋ مەرزىمى – 2022 جىلدىڭ 4-ءشى توقسانى», دەپ اتاپ ءوتتى نايل لەباەۆ وڭىرلىك كوممۋنيكاتسيالار قىزمەتىندە وتكەن بريفينگتە.
سونداي-اق, تۇركسىب اۋدانىندا «تكش مودەرنيزاتسيالاۋ» باعدارلاماسى جۇزەگە اسىرىلۋدا, 8 كوپقاباتتى ءۇي جوندەلدى, 2017-2022 جىلدار ارالىعىندا 543 اۋلا اباتتاندىرىلدى.