قۇجات قابىلداۋ 12-15 تامىز ارالىعىندا جۇرگىزىلدى. كونكۋرس ناتيجەلەرى 25 تامىزعا دەيىن جاريالانادى, دەپ حابارلايدى Egemen.kz عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنە سىلتەمە جاساپ.
جالپى, 2022-2023 وقۋ جىلىنا ماگيستراتۋراعا 13 مىڭنان استام گرانت ءبولىندى. گرانت كونكۋرسىنا قۇجات جوعارى وقۋ ورىندارىنىڭ قابىلداۋ كوميسسيالارى ارقىلى ءداستۇرلى فورماتتا جانە ۆيرتۋالدى كوميسسيالار ارقىلى ونلاين قابىلداندى.
«بىرنەشە جىل قاتارىنان وتىنىشتەردىڭ كوبى «پەداگوگيكالىق عىلىمدار», «اقپاراتتىق-كوممۋنيكاتسيالىق تەحنولوگيالار» مەن «بيزنەس, باسقارۋ جانە قۇقىق» سياقتى باعىتتارعا بەرىلدى. قابىلداۋ ناۋقانىنىڭ ناتيجەسىنە سايكەس بولاشاقتا قازاق ءتىلى جانە ادەبيەت, شەت ءتىلى مۇعالىمدەرى, ينجەنەرلەر جانە ديپلوماتتار اراسىندا ءبىر گرانتتىق ورىنعا ەڭ ۇلكەن كونكۋرس بولادى دەگەن بولجام بار», دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.
گرانتتار تاعايىنداۋ جونىندەگى شەشىمدى رەسپۋبليكالىق كونكۋرستىق كوميسسيا قابىلدايدى. كوميسسيا قۇرامىنا مينيسترلىكتىڭ, مەملەكەتتىك ورگانداردىڭ, بiلiم سالاسى كاسiپوداقتارىنىڭ, قر ۇلتتىق كاسiپكەرلەر پالاتاسى, باق, قازاقستاننىڭ ازاماتتىق اليانسى جانە قوعامدىق ۇيىم وكىلدەرى كىرەدى.
ءبىلىم گرانتى يەگەرلەرىنىڭ ءتىزىمى ۇلتتىق تەستىلەۋ ورتالىعىنىڭ سايتىندا جانە الەۋمەتتىك جەلىلەرىندە 25 تامىزعا دەيىن جاريالانادى. جوعارى وقۋ ورىندارىنا قۇجاتتاردى تاپسىرۋ 28 تامىزعا دەيىن جۇزەگە اسىرىلادى.
ءبىلىم بەرۋ گرانتتارى ەڭبەك جانە حالىقتى الەۋمەتتىك قورعاۋ مينيسترلىگىنىڭ, سونداي-اق جۇمىس بەرۋشىلەردىڭ كادر قاجەتتىلىگى بويىنشا دەرەكتەرى نەگىزىندە بولىنگەن.