الداعى جىلۋ بەرۋ ماۋسىمىنا دايىندىق شتاتتىق رەجيمدە ءجۇرىپ جاتىر. بۇل تۋرالى ورتالىق كوممۋنيكاتسيالار قىزمەتىندە ەنەرگەتيكا ۆيتسە-ءمينيسترى جاندوس نۇرماعانبەتوۆ ايتتى, دەپ حابارلايدى Egemen.kz.
«ەنەرگيا ءوندىرۋشى ۇيىمداردىڭ (ەوۇ) شەكتى تاريفتەرىنىڭ قازىرگى دەڭگەيى ستانتسيالاردىڭ شىعىندارىن تولىق كولەمدە جاپپايدى. بۇل دەرەكتەر ەلەكتر قۋاتتارىنىڭ اۆاريالىق ىستەن شىعۋىنىڭ, تۇتىنۋشىلاردى ەلەكترمەن جابدىقتاۋ ساپاسىنىڭ تومەندەۋىنىڭ, سونداي-اق قازاقستاننىڭ ءبىرتۇتاس ەلەكتر ەنەرگەتيكالىق جۇيەسىنىڭ قاۋىپسىز جۇمىسىنىڭ تاۋەكەلدەرى ارتىپ كەلە جاتقان جاعدايلارىمەن راستالادى», دەدى جاندوس نۇرماعانبەتوۆ.
بىلتىرعى سايكەس كەزەڭمەن سالىستىرعاندا, تەحنولوگيالىق ىستەن شىعۋ دەڭگەيى 20 پايىزعا ارتتى.
«جالپى, الداعى جىلىتۋ ماۋسىمىنا دايىندىق شتاتتىق رەجيمدە جۇرگىزىلىپ كەلەدى. جۇيەلىك وپەراتور بەكىتكەن ەلەكتر ستانتسيالارىنداعى جوندەۋ كەستەسىنە سايكەس, 2022 جىلى 9 ەنەرگوبلوكتى, 60 قازاندىق جانە 42 تۋربينانى كۇردەلى جوندەۋ جوسپارلانعان. بۇگىندە 2 ەنەرگوبلوكتا, 14 قازاندىق پەن 11 تۋربينادا جوندەۋ جۇمىستارى اياقتالدى. 4 ەنەرگوبلوكتا, 38 قازاندىقتا جانە 18 تۋربينادا جوندەۋ جۇمىستارى جۇرگىزىلىپ جاتىر», دەدى ۆيتسە-مينيستر.