ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى ءمينيسترى باقىتجان ساعىنتاەۆ 10 تامىزدا ەۋرو-ازيا ىنتىماقتاستىعى قارجى-ىسكەرلىك قاۋىمداستىعىنىڭ كەزەكتەن تىس جالپى جينالىسىنىڭ شەشىمى بويىنشا قاۋىمداستىقتىڭ باقىلاۋ كەڭەسىنىڭ توراعاسى بولىپ سايلاندى, دەپ حابارلايدى Egemen.kz ەۋرازيالىق ەكونوميكالىق كوميسسيا سايتىنا سىلتەمە جاساپ.
سونداي-اق جالپى جينالىستىڭ جۇمىسى بارىسىندا قاۋىمداستىق پرەزيدەنتى بولىپ SLC-Rus نەگىزىن قالاۋشى لي شوبين (قىتاي) سايلاندى.
ەۋرو-ازيا ىنتىماقتاستىعى قارجى-ىسكەرلىك قاۋىمداستىعىنىڭ - ەۋرازيانىڭ 26 ەلىنەن كاسىپكەرلەردىڭ, كوممەرتسيالىق ۇيىمدار مەن بانكتەردىڭ, قوعامدىق جانە عىلىمي-وندىرىستىك بىرلەستىكتەردىڭ قارجىلىق, بانكتىك جانە ىسكەرلىك وداقتارىن بىرىكتىرەتىن قوعامدىق ۇكىمەتتىك ەمەس ۇيىم.
بۇعان دەيىن الماتى قالاسىنىڭ ەكس-اكىمى باقىتجان ساعىنتاەۆ ەۋرازيالىق ەكونوميكالىق كوميسسيا القاسىنىڭ مۇشەسى (مينيستر) بولىپ تاعايىندالعان بولاتىن.