قارجى مونيتورينگى اگەنتتىگى اۋىل شارۋاشىلىعى تاۋار وندىرۋشىلەرىنە ارزانداتىلعان ديزەل وتىنىن جەتكىزۋگە جاۋاپتى وپەراتوردىڭ ءبىرى 2,2 مىڭ توننا كولەمىندە ديزەل وتىنىن ءوزى ساتىپ جىبەرگەنى انىقتالدى, دەپ حابارلايدى Egemen.kz.
مەملەكەت باسشىسىنىڭ تاپسىرماسىن ورىنداۋ ماقساتىندا قارجى مونيتورينگى اگەنتتىگى مۇناي ونىمدەرىن زاڭسىز ەكسپورتتاۋ مەن الىپساتارلىققا توسقاۋىل قويۋ جۇمىستارىن جالعاستىرۋدا.
جۇرگىزگەن جەدەل-ىزدەستىرۋ ءىس-شارالارى بارىسىندا اۋىل شارۋاشىلىعى تاۋار وندىرۋشىلەرىنە ارزانداتىلعان ديزەل وتىنىن جەتكىزۋگە جاۋاپتى وپەراتوردىڭ ءبىرى مونوپوليالىق جاعدايدى تەرىس پايدالانعانى انىقتادى.
ماسەلەن, 2020-2021 جىلدارى جالپى كولەمى 12,5 مىڭ توننادان استام تومەندەتىلگەن باعامەن ديزەل وتىنىن العان جشس اۋىلشارۋاشىلىق تاۋار وندىرۋشىلەرىنە 10,3 مىڭ تونناسىن جەتكىزگەن. ال قالعان 2,2 مىڭ توننا كولەمىندە ديزەل وتىنىن جشس-عا تيەسىلى جانار-جاعارماي قۇيۋ ستانتسيالارى جەلىسى ارقىلى ساتىپ, 74,4 ملن تەڭگە قوسىمشا كىرىس العان.
اتالعان فاكتى بويىنشا سوتقا دەيىنگى تەرگەۋ باستالدى.