ەت ماسەلەسىنە ەپ كەرەك

ساۋد ارابياسى مەن جاپونياعا ەكسپورتتايدى

قازاقستان ەت ەكسپورتىن ءبىرشاما ارتتىرماق. جاقىندا عانا اۋىل شارۋاشىلىعى مينيس­ترلىگى مەن ساۋد ارابياسىنىڭ ازىق-ت ۇلىك ونىمدەرى مەن ءدارى-دار­مەكتەر باسقارماسى ارا­سىن­داعى ەكىجاقتى بەلسەندى ىنتى­ماقتاستىق ناتيجەسىندە قازاق­ستاندىق 5 ەت وڭدەۋ كاسىپورنى ساۋد ارابياسىنا قوي ەتى مەن سيىر ەتىن ەكسپورتتاۋعا قۇقىعى بار كاسىپورىندار تىزىلىمىنە ەنگىزىلدى.

ەندى وتاندىق «التىن قا­زىق» جشس (اقمولا وبلىسى), «اقتوبە ەت كلاستەرى» جشس (اق­توبە وبلىسى), «Empire Food» جشس (الماتى وبلىسى), «Meat Processing and Service LLP» جشس (الماتى وبلىسى) جانە «كۋبلەي» جشس (باتىس قازاقستان وبلىسى) ساۋد ارا­بياسىنا ەت جەتكى­زۋمەن اي­نالىسادى. بۇعان دەيىن 2021 جىلعى 6-14 قىركۇيەك ارالى­عىندا ساۋد ارابياسىنىڭ ۆەتە­ريناريالىق قىزمەتىنىڭ مامان­دارى قازاقستاندىق 5 ەت وڭ­دەۋ كاسىپورنىنا ينس­پەك­تسيا جۇرگىزگەن بولاتىن. وسى­لايشا, وتاندىق كاسىپ­كەرلەر باس­قا ەلدەردىڭ اۋما­عىندا قا­زاقستاندىق مال شارۋا­شى­لىعى ونىمدەرىن وتكىزۋدىڭ جا­ڭا نارىقتارىن يگەرۋدى جال­عاستىرۋدا.

سونداي-اق ءپروفيلدى ۆەدومستۆو جاپونيانىڭ اۋىل, ورمان جانە بالىق شارۋا­شى­لىعى مينيسترلىگىمەن ورنات­قان ەكىجاقتى بەلسەندى ىنتى­ماقتاستىقتىڭ ناتيجەسىندە جا­پونياعا جىلقى ەتىن ەكسپورتتاۋ مۇمكىندىگىنە يە بولدى. بۇل مىندەتتى 9 قازاقستاندىق ەت وڭدەۋ كاسىپورنى اتقارماق. ولار – «Kaindy» جشس (الماتى وبلىسى), «ASEM-ZHETYSU» جشس (الماتى وبلىسى), «Meat processing Complex Bizhan» جشس (اقمولا وبلىسى), «Asyl-Asyl» (اتىراۋ قالاسى), «Kuanysh» جك (اتىراۋ قالاسى), «Birlestic» شق (قاراعاندى وبلىسى), «EURASIA INVEST LTD» جشس (قاراعاندى وبلىسى), «ARAY KZ» جشس (قاراعاندى وبلىسى), «BEEF EXPORT GROUP» جشس (قوستاناي وبلىسى).

بۇعان دەيىن اتالعان تىزىلىمگە 34 قازاقستاندىق كاسىپورىن ەنگىزىلگەن بولاتىن. وسىلايشا, بۇگىنگى تاڭدا جالپى 43 وتاندىق ەت وڭدەۋ كومپانياسى ءوز ونىم­دەرىن جاپونيا اۋماعىنا ەكسپورتتاي الادى.

ەت ءوندىرىسى بويىنشا حالىق­ارالىق ساراپشى فرەنك گرەيۆس سيىر ەتىن ءوندىرۋ بويىنشا قا­زاقستاندا ۇلكەن الەۋەت بار ەكەنىن ايتادى. «جاقسى كۇتىم جاساپ, ازىقتاندىرۋ, ارينە, ەت ءوندىرىسىن ۇلعايتۋداعى ماڭىزدى نارسە. بىراق بۇقالاردىڭ ونىمدىلىگى مەن رەپرودۋكتيۆتى سيىرلاردىڭ كوبەيۋ قابىلەتىن ارتتىرۋ ءۇشىن ءار جاڭا تولدە گەنەتيكالىق قا­سيەتتەردى جەتىلدىرۋ, جاڭا تەح­نولوگيالار مەن جەتىستىكتەردى پايدالانۋ قاجەت. بۇل تۇراقتى تۇردە تۇقىم بەرەتىن سيىرلاردىڭ جاسىن 15 جاسقا دەيىن ارتتىرادى», دەيدى ساراپشى.

كۇزدە باعا قىمباتتايدى

وزىمىزدە سويىلىپ, وندىرىلگەن ەتتى سىرتقا ساتقانىمىز ءجون-اق. بىراق بازارداعى باعانىڭ شىرقاپ بارا جاتقانىن كوز كورىپ وتىر جانە ودان ەت پەن ەت ونىمدەرى دە تىسقارى قالمايدى. ماماندار كۇزدە ەت باعاسىنىڭ ودان ءارى قىمباتتايتىنىن ايتىپ دابىل قاعادى. Angus Qazaqstan رەسپۋبليكالىق پالاتاسىنىڭ ديرەكتورى داۋرەن سالىقوۆتىڭ ايتۋىنشا, كۇزدە ەت باعاسىنىڭ وسۋىنە فەرمەرلەر ەمەس, دەلدالدار كىنالى بولماق.

«كۇزدە باعا وسەدى. ول باعانى فەرمەر ەمەس, ورتاداعى دەلدالدار باقىلايدى. مەنىڭشە, فەرمەرلىك دۇكەندەر قاۋىمداستىقپەن تى­كەلەي جۇمىس ىستەۋى كەرەك. باعا­نى قولدان تەجەۋ – ۋاقىتشا قۇ­بىلىس. ول ەرتەڭگى كۇنى شەتەلدىك قىمبات ەتتىڭ يمپورتتالۋىنا اكەلىپ سوعادى. ءارى ونىڭ ساپاسى دا قازاقستان ەتىندەي ەمەس», دەيدى ول.

قازاقستان ەت وداعىنىڭ اتقا­رۋ­شى ديرەكتورى اسقار جۇبا­تىروۆتىڭ سوزىنشە, كۇزدە سيىر ەتى كيلوسىنا 3-3,5 مىڭ تەڭگەدەن ساتىلا باستاۋى مۇمكىن. «قازىر ول 2,6-2,8 مىڭ تەڭگەدەن ساتىلىپ جاتىر. كەي وڭىرلەردە كيلوسى 3 مىڭ تەڭگەگە دە جەتكەن. فەر­مەردەگى وزىندىك قۇنى 2 مىڭ تەڭگەنى قۇرايدى. 2021 جىلى ەت باعاسى ورتاشا ەسەپپەن 11 پا­يىزعا قىمباتتادى. قوي ەتى – 15, سيىر ەتى 8 پايىزعا ءوستى», دەيدى ا.جۇباتىروۆ.