قر ۇكىمەتىنىڭ 2022 جىلعى 5 تامىزداعى قاۋلىسىمەن قازاقستان رەسپۋبليكاسىنىڭ ۇكىمەتى مەن تۇركيا رەسپۋبليكاسىنىڭ ۇكىمەتى اراسىنداعى حاتتاما بەكىتىلدى, دەپ حابارلايدى Egemen.kz.
حاتتاماعا سايكەس تاراپتار ىنتىماقتاستىقتى كەلەسى سالالاردا جۇزەگە اسىرادى:
بارلاۋ اسكەري اقپاراتىمەن جانە وزەكتى تاقىرىپتار بويىنشا ساراپتامالىق باعالاۋلارمەن ءوزارا الماسۋ;
تاراپتار مەملەكەتتەرىنىڭ قاۋىپسىزدىگىنە قاتەر توندىرەتىن وڭىردەگى (مەملەكەتتەگى) اسكەري-ساياسي جاعدايدىڭ دامۋ مونيتورينگى;
تاراپتار مەملەكەتتەرىنىڭ قاۋىپسىزدىگىنە قاتەر توندىرەتىن حالىقارالىق تەرروريستىك جانە باسقا دا ۇيىمدارعا قاتىستى ءوزارا اقپارات الماسۋ.
بارلاۋ اسكەري اقپاراتىمەن الماسۋ اسكەري پەرسونالدىڭ كەزدەسۋلەرىندە جانە ديپلوماتيالىق ارنالار ارقىلى جۇزەگە اسىرىلادى.
الماسۋعا جاتاتىن كەز كەلگەن بارلاۋ اسكەري اقپاراتى جازباشا نىساندا جىبەرىلەدى دەپ كوزدەلەدى. اقپاراتقا بايلانىستى CD, DVD, فيلمدەر, فوتوسۋرەتتەر, سلايدتار, ەلەكتروندىق قۇجاتتار جانە ت.ب. قۇجاتقا قوسا بەرىلەدى.
بۇل رەتتە تاراپتاردىڭ ءبىرى مەملەكەتىنىڭ ۇلتتىق ەگەمەندىگىنە جانە قاۋىپسىزدىگىنە قاتەر تونگەن نەمەسە ونىڭ ۇلتتىق/حالىقارالىق مۇددەلەرىنە قايشى كەلگەن جاعدايلاردا بارلاۋ اسكەري اقپاراتىن بەرۋدەن باس تارتىلۋى مۇمكىن.
قاۋلى قول قويىلعان كۇنىنەن باستاپ قولدانىسقا ەنگىزىلەدى.