قازاقستاندىق تەننيسشى يۋليا پۋتينتسەۆا تورونتو WTA-1000 ءتۋرنيرىنىڭ ەكىنشى اينالىمىنا شىقتى, دەپ حابارلايدى Egemen.kz.
قازاقستاندىق سپورتشى العاشقى اينالىمدا دۇنيەجۇزىلىك رەيتينگتە 299-ورىندا تۇرعان كانادالىق كەترين سەبوۆپەن شەبەرلىك بايقاستى.
ءبىرىنشى پارتيادا كورت يەسى 6:3 ەسەبىمەن باسىمدىلىق كورسەتتى. بىراق ەكىنشى سەتتە يۋليا پۋتينتسەۆا ەسە قايىردى - 6:2. پۋتينتسەۆا ءۇشىنشى, شەشۋشى پارتيانى برەيكپەن ءتامامدادى. ەسەپ - 7:5.
ەكى ساعاتتان استام ۋاقىتقا سوزىلعان دودادا پۋتينتسەۆا 13 برەيك-پوينتتىڭ بەسەۋىن پايدالانا ءبىلدى.
ەندى قازاقستاندىق تەننيسشى ەكىنشى اينالىمدا الەمنىڭ 3-ءشى راكەتكاسى, يسپانيالىق پاۋلا بادوسامەن كەزدەسەدى.