التى ايدىڭ قورىتىندىسى بويىنشا جولاۋشىلار اينالىمىنىڭ ءوسىمى جالعاسۋدا. قازاقستاندىق اۆياكومپانيالار تاسىمالداعان جولاۋشىلار سانى 2021 جىلمەن سالىستىرعاندا 7%-عا ارتىپ, 4,6 ملن ادامعا جەتكەن, دەپ حابارلايدى Egemen.kz.
2020 جىلعى كورسەتكىشپەن سالىستىرعاندا 119%-دى قۇرادى (2020 جىلعى 6 ايدا – 2,1 ملن ادام).
جىل باسىنان بەرى وتاندىق اۆياكومپانيالار حالىقارالىق جەلىلەردە 1,2 ملن ادامدى تاسىمالدادى, بۇل 2021 جىلدىڭ سايكەس كەزەڭىنەن 60%-عا ارتىق (2021 جىلعى 6 ايدا – 0,75 ملن ادام), ىشكى جەلىلەردە – 3,4 ملن ادام تاسىمالداندى (2021 جىلعى 6 ايدا – 3,6 ملن ادام).
Air Astana-نىڭ جولاۋشىلار اعىنى شامامەن 1,8 ملن جولاۋشىنى; FlyArystan – شامامەن 1,4 ملن; SCAT – شامامەن 1,7 ملن; Qazaq Air – شامامەن 238 مىڭ جولاۋشىنى قۇرادى.
اۋەجايلاردا قىزمەت كورسەتىلگەن جولاۋشىلار سانى وسى كەزەڭدە 10%-عا ارتىپ, 8,9 ملن ادامدى قۇرادى (2021 جىلدىڭ 6 ايىندا – 8,1 ملن ادام).
قازىرگى ۋاقىتتا ىشكى اۆيارەيستەردى 5 وتاندىق اۆياكومپانيا اپتاسىنا 687 رەيس جيىلىگىمەن 57 مارشرۋت بويىنشا ورىندايدى.
حالىقارالىق ۇشۋلار 28 ەلگە اپتاسىنا 115 باعىت بويىنشا 518 رەيس جيىلىگىمەن ورىندالادى.