قازاقستاندا ءبىر جىلدا ءۇي باعاسى شامامەن 25 پايىزعا قىمباتتاعان. بۇل تۋرالى ۇلتتىق ستاتيستيكا بيۋروسى ءمالىم ەتتى, دەپ حابارلايدى Egemen.kz.
ء«بىر جىلدا قولدانىستاعى پاتەرلەردى قايتا ساتۋ باعاسى – 26,4%, جاڭا تۇرعىن ۇيلەردى ساتۋ 19,6% ءوستى. تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا 2022 جىلعى شىلدەدە 20,8% ارتتى», دەپ اتاپ ءوتتى بيۋرو وكىلدەرى.
وڭىرلەر بويىنشا جاڭا سالىنعان تۇرعىن ۇيلەر نارىعىنداعى باسپانا جىلدىق ماندە اقتوبە قالاسىندا – 32,5%, نۇر-سۇلتاندا – 27,6%, وسكەمەندە 26,1% قىمباتتاعان. قولدانىستاعى ۇيلەردى قايتا ساتۋ نارىعىندا باعا ءوسىمى بويىنشا كوشباسشىلار – قىزىلوردا (44%), وسكەمەن (43,7%), تالدىقورعان (43,4%) جانە نۇر-سۇلتان قالالارى (41,3%), ال تۇرعىن ءۇيدى جالعا الۋ نارىعىندا – الماتى قالاسى (47,2%).
ء«بىر ايدىڭ ىشىندە (2022 جىلعى شىلدە مەن ماۋسىمدى سالىستىرعاندا) پاتەرلەردى قايتا ساتۋ باعالارى – 0,8%, جاڭا تۇرعىن ءۇيدى ساتۋ 0,5% ءوستى. اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا شىلدەدە 0,4% جوعارىلادى», دەلىنگەن بيۋرو حابارلاماسىندا.