امەريكالىق ميللياردەر, SpaceX جانە Tesla كومپانيالارىنىڭ يەسى يلون ماسك ەگەر كومپانيا الەۋمەتتىك جەلىدەگى اككاۋنتتاردىڭ شىنايىلىعى قالاي راستالاتىنىن كورسەتسە, Twitter-ءدى ساتىپ الاتىنىن ايتتى, دەپ حابارلايدى Egemen.kz.
«ەگەر Twitter جاي عانا 100 اككاۋنتتى ىرىكتەۋ ءادىسى تۋرالى ايتىپ, ولاردىڭ تۇپنۇسقالىعىن قالاي راستايتىنىن كورسەتسە, وندا مامىلە باستاپقى شارتتارمەن جاسالادى», دەپ جازدى ول Twitter-دە.
ءساۋىر ايىنىڭ سوڭىندا ماسك Twitter-ءدى 44 ميلليارد دوللارعا ساتىپ العانى حابارلانعان بولاتىن. مامىلە اياقتالعاننان كەيىن الەۋمەتتىك جەلى مەملەكەتتىك ەمەس كومپانياعا اينالاتىنى حابارلاندى.
مامىر ايىندا كاسىپكەر Twitter الەۋمەتتىك جەلىسىن ساتىپ الۋ كەلىسىمىن توقتاتقانىن حابارلادى. كەيىنىرەك كومپانيا مەن ماسك ءبىر-بىرىنە قارسى شاعىم ءتۇسىردى.