كاتاەۆ-ەستاي كوشەلەرىنىڭ قيىلىسىندا ساموكاتپەن كەتىپ بارا جاتقان بالانى كولىك قاققانى تۋرالى اقپاراتتى كۋاگەرلەر حابارلاعان, دەپ جازادى Egemen.kz.
جەدەل جاردەم وقيعا ورنىنا جەتى مينۋتتا جەتكەن. دارىگەرلەر تەكسەرۋدەن كەيىن 12 جاستاعى بالانى وبلىستىق بالالار اۋرۋحاناسىنا جاتقىزدى.
- ناۋقاستىڭ باس ميىنىڭ جابىق جاراقاتى, باس ميىنىڭ شايقالعانى, باسى, ارقاسى جانە اياعىندا كوگەرگەن بەلگىلەر بارى انىقتالدى. سونداي-اق تەرىسى سىدىرىلعان, - دەدى وبلىستىق دەنساۋلىق ساقتاۋ باسقارماسىنداعىلار.دارىگەرلەردىڭ ايتۋىنشا, بالانىڭ جاعدايى ورتاشا دارەجەدە.